متلازمة السجن
البارت ١٢
للكاتبه مريم السعدي
الناقله : حنوو.🌹🍁
.................
حسام- مر يومين كدرت احرك اطرافي اشيل ايدي صارت اخف اهلي باليوم ساعه يمي صادفت عطله نص السنه رنا تضل تبجي وتتوسل بمهند حتى تبقى يمي وي وسام وهو ميقبل الا اكوله اني اتركها يله يعوفها تونسني بسوالفها ومداراتها بس يبقى مكان صبا خالي هواي تجيني ايام اخاف انام اخاف مااكدر اكعد بعد بس اخر شي استسلم واغفه واصحى مثل الفاز ايهاب كام يجي دائما ويبقى شوي ويروح ماعرف اضلمه لو انزهه اخاف ماعده شي وياها واخاف اني دااغبنه تركت الموضوع على الله هي التركت وراحت بقيت هالفتره كلما تندك الباب لو تنفتح اشيل راسي اكول جتي صبا اخر شي عرفت من ممرضه ثانيه بعد ماسالت عليها رنا كالتلها اخذت اجازه شهر غمضت عيني ودرت وجهي مايس ليش هالشكل ليش تعبت مني يمكن خجلانه من الصار واللي عرفته نطقي بي تاخر من انطق بس اكدر الحمد لله نطوني مجال للسبوع اطلع لان اخاف انتكس بديت اكل وامي تحير بالمي لحم وتقوي بيه بعدني كلما اكل اتوجع بطني تتكطع بس اجبر روحي وكلما اغمض عيني اول شي اتذكره لمستها وريحتها واتخيل صورتها
حسام- رنا همست بصعوبه التفتت امي كاعده بصفها ابتسمتلها عيني تعاي شوي اشرتلهاهمم تقربت منه اشرلي كعدي امي دتقره حديث الكساء رفعت راسها تباوعلنا خاف بيه شي شافتنا سكتنا رجعت نصت تكمل
رنا- شنو شبيك احاجي مبتسمه بعدني لهاللحضه مداصدك هو كاعد
حسام- اكولج شسمه جريت نفس باوعت بعينها التنتضر طلبي تنهدت وكلتها اوصفيلي صبا شون صاير شكلها ههه باوعتله بمكر
امممم بله بله صبا سمره بسماري خوش ابتسمت اباوع بعينها من توصف وحاجبها مشمور هو مليان شعر بس ثخين ومشمور وعدها شامه فوك الحاجب ضاهره يعني ام الحبايه جبيره نوعا مااممم ابتسمت وو ووجهه مدور رموشها ثخينه بس ملويه مو مثل رموشي عدله اي هه غمضت عيني اتخيلها عيونها جوزيه واسعه وعدها دكه بالحنج وبالدكه اكو شامه خشمها مرتب يعني لاصغير ولا جبير موالم وجهه وحلكها بي كبر يعني صاحبه شفايف يعني اني حلكي اصغر من حلكها بس حلو
مممم جريت نفس فتحت عيني --- شطولها تطلع بطول رغيد لان مره وكفت بصفها بالصدفه اوو طويله هنستاي يخبل طولها ورشيقه وعدها خصر يجنن ولج وين شفتي ضحكت وكحيت لا والله مره جانت لابسه تنوره هاي التنزل عالخصر مثل مال ببيتي ههههه استغفر الله،ليش لبسها شبي خطيه تكول مال عمر جدي عمي ختروح للبالات والله ارقى من هدومها الله يساعدها ماعرف شنو ضروفه ااي الله اليعلم جريت نفس
حسام شو من تحجي كوه تطلع الحجايه باوعتله بقلق حبيبي مبي شي بعده فك ياذيني من احجي تنهدت لزمت كف رجلي حسام دتحس بيدي اي اي دااحس باوعتلها لزمت خدها كرصته ابتسمت زين خل نكوم نمشي شوي لالا عوفيني خاف اوكع لا حباب لتصير كسلان والله الدكتور كال النومه الطويله تسوي تجلط واني ماتحمل امر بنفس المريت بي هالمره اموت باوعتلها دمعت عينها --- لتخافين رناوي مبيه شي ---لعد كوم امشي حباب لخاطر ماما تفرحها والله تنهدت ادري حتعاند وادري بروحي اخاف اجرب تحججت ---يابه ثكيل عليج
اصلا كلش ضعفان انسد على ضهري وكوم للحمام ها باوعت للحمام تذكرت من غسلتلي جانت تجي امرار مهند لو عمر لو وسام يسبحوني بس ابد مو مثل غسلتها جريت نفس كلشي يذكرني بيها ضلت رنا تلح هزيت راسي موافق انسدت على ضهرها حاولت اكوم امي سكتت من الدعاء بقت تراقبنا نزلت رجلي وانسدت على ضهرها رنا اذا وكعتيني كتلتج عمل شعبي ومانطيج سبوعيه هههههه ميخالف قابله. سندته وجنت نازعه الحجاب ضفيرتي صفح والكتر جبير ثكيل نازله الضفيره لحد نص فخذي شعري طويل واسود فحم مشيته خطوتين كام يشتم بي ويضحك خرب عنادج لابس ارجع للفراش ولا بيه اكمل ولج مااكدراشيلك والله حسام طب مهند ووسام واحنا خربانين ضحك ثنينا ركضو علينا طب وراهم عمر بقه يباوعلي مهند صاح
مهند-بس دقيقه عمر
