متلازمه السجن
البارت ٤٢
للكاتبه مريم السعدي
...........🍁............
رنا- سديته منه بقيت صافنه هذا شون حرتبط بي لتكذبين عروحج رنا انتي تحبي حتى لو ميحبج لتتحججين بخاله انتي مجرد شفتي الدم مالته ساح ووجهه مقهور تخبلتي صارحي روحج على الاقل بعد ميفيد الندم انتهت هاهي تتقبلين ولتنوحين وتدلغمين شي بديتي لازم تنهي باحتراف انتي ولا فد مره عفتي شغله عالنص
مر الاسبوع واني بين الحفافه وال صالون والبدي كير والمني كير بايد صبا ماما سوت مولود صار احلى مولود طبيتله بحياتي لبست بدلات االاربعه الجابتها خاله اربع الوان انزع والبس واخر وحده الحنتني بيها شيلان لان ماما كالتلها انتي حنيها جانت لونها احمر
سانه خطيه كامت تبجي وعافتني شوي وجتي شيرين هم هيج بعدها كعدو يمي اله رفيف مكعدت بس تركص وتجر بيها عمتها وج يمه انتي حامل. وهي ولا يمها
جنت مكيفه بالحنه والتسريحه والمكياج طلعت مو اني طكتلي كومه صور رفيف كتلها لتدزيها كالت لا والله مادزها اله
مااعرف حسيت موحلو تدزها خاف يكول اني الكتلها حبيت شكلي هوايه شعري ومكياجي حتى بدلاتي جانت لبه الموده كمل المولود ماما لبستني ملاوي 2كالت مني ومن اخوتج عمه صبا خطيه هم جتي لبستني ليره.
وشيلان هم ليره كمل الحفل وطبيت انزع واباوع لروحي توني افتح السحابه صاحت ماما كالت تعاي طكي صوره وي الولد طلعت جانو واكفين توهم جايين من حنه الولد السووها بالقاعه
شافني حسام كال
هاي شنو هاي بنيتي كبرانه وصايره عروس بستها من راسها خنكتني العبره بس مبينتها كافي القلق والخوف الداشوفه بعينها اخذها مهند مني باسها من راسها وخلالها ورقه بيدها نصت باوعت لوسام
وسام- جريت نفس ميت قلق وخوف بوستها همست باذنها والله اذا اذاج احسب الله ماخلقه
رنا- بلعت ريك طكينا صور وماما وياها هم وي الكل وي عائله مهند وحد وي عائله حسام وحد ووي ماما ووسام
اباوع وين شيرين خطيه وكفت على صفحه
تعاي لج شنو هاي صاحتها ماما كالتلها انتي بنتي البقت كامت تبجي بجتني اني منا على اعصابي وهي على اعصابها من فراكي وبجينا سوه بستها من راسها صبا اخذتها وطلعت للحديقه شوي ورجعو يضحكون
باجر زفتي حترك غرفتي دزيت كل غراضي بقت بس كلاده الضبع طلعت روحي من نزعتها
باوعتلي شيرين كالت
حتاخذيها
اممم باوعتلها للكلاده ابتسم
كالت رجلج
باوعتلها حخلي المحبس بالسبحه مالتي بالسجاده كل ماصلي اسبح وادعيله مراح انساه من دعائي
يستاهل البطل
مو بله جريت نفس شاجلت العلاكه مالته والغراض بعدها ريحته بيها طبكتها وضميتها بالمجر الصغير
