متلازمه السجن
البارت٢٨
للكاتبه مريم السعدي
...............🍁...........
حسام- يله رنا صبيلنا
رنا- هسه طبيت ورفيف ويايه تضحك صبينا الاكل اني وياها لابسه دشداشتي مكيفه هي هم دبدوبه بس جسمها ممرتب مثلي بس تنكرط كرط صبيت الغده للولد واخذه وسام بالهول يتغدون وماما بالمستشفى وي خاله سعاد صبيت اني ورفيف تمن باكلا وي لحم دجاج وتربعنا بالطرمه ناكل جتي شيلان خطيه وبيدها كيكه كالت ودوها وياكم للمستشفى من تباتون تمزمزون
رفيف - عادي اروح وياهم شكل الكيكه طيبه وماما صارت زينه بس خاف يرجع يتخربط بقوها عمر كال
شيلان- ههههه انزول عليج رفرف لا حبيبي مسويه وحده لخ تغدو والعصر نجي نشرب جاي لو انتو تعالو بمنا و الولد من ينجمعون يكيفون شي يلتهون بي بالمستشفى
رفيف- عاشت ايدج
رنا- رجعنا كملنا اكل واندكت الباب كمت رفيف بعدها بالطرمه --- منو
اني اني ايهاب
فتحت الباب مديت راسي لابسه حجابي ورفيف هم هلاو ايهاب
هلاو رناوي الولد هنا
اي اي تعال تفضل
ايهاب....تسلمين طبيت اندار الكه الدبدوبه ضحكت هي هم ضحكت ونصت فدوه لهالشكار
طبيت صحت
حسسام
هاها اهوبي تعال
ها السلام عليكم
هله ياب
عمر- ها ابو المشاريع شو اختفيت لا انت ولا مشروعك مو كلت الخميس
ايهاب...والله شو تخربطت هو جيت حتى افهمكم همزين لكيتكم مجموعين
عمر- ديله يمعود اكعد تفضل ويانا
لا والله تغديت وجيت هسه رنا حتصبلي جاي
حسام - اي غررد
ايهاب- يابه عكبه يدزون البضاعه ووراها تسليم الفلوس كاش
حسام- اي هذا هو باوع --- اكل واحاجي دير بالك ذوله خاف يضحكون عليك
ايهاب- يابه نسيبي ويايه ويعرف اصحاب الجمله بتركيا
حسام- ها ماشي
عمر- نكوم نشوف المحل لعد
ايهاب- يله ماعدي شي اني فارغ
عمر- يله حسام حتى نمر على امي اني ابات يمها وانت ترجع امك
حسام-خوش كمنا وطلعنا باوعت لرنا تعاي قفلي الباب ورايه
عمر- ضل بالي شون اعوف رفيف هنا باوعت لحسام اكولك فدوه خل ام رائد تجي
حسام/ هسه حدك عليها شون اعوفهن لزمت التلفون خابرت شيلان كالت جايبه سانه وجايه ارتاحيت انتضرتها شوي وطبت سلمت وطلعنا احنا وقفلت ورانا الباب عمر كلسا يلتفت حقه من يخاف على اخته
رنا- طبينا للبيت ولملمنا ورفيف ويانا واني مكيفه بيها واني وسانه هم طلعنا الرولات كلنا شعرنا طويل وكعدنا نلف شعرنا ولا تمول سادس علمي وسانه خامس وشيلان خربانه ضحك علينا سانه كاعده وتطك صور مقبلت اني ورفيف تطكلنا طكت وحدها من كملت تلفلف خلتلها امها مكياج مكيفه خلتنا النا هم خلقتنا انكلبت خربانين ضحك تونسنا كلش طكتلي رفيف بتلفونها صور وطكيتلها اني هم حتى ركص ركصنا يايابه طلعنا قهر السادس ساعتين تعبنا وغسلنا وكعدنا نراجع كعدت طلعت الكتب ورفيف كعدت بالكع ارتجت بجربايتي كعدنا ندرس تذكرت التلفون خاف خلص شحن طلعته من جنتي وخليته عالشحن جان مطفي شوفي وفتح فكيته ورجعنا نقره لل10بليل جتي امي ووسام واحنا بغرفتي حسام بقه وي خاله سعاد وعمر لل11دك التلفون مالتي هاي شنو منو هاي جيت يمه اشوف الشاشه مكتوب دنيا يتصل بك
