متلازمه السجن
البارت٢٤
للكاتبه مريم السعدي
..............🍁...............
حسام- بقيت اباوعلها هلو شونج غير لو ترفع راسها واشوف عيونها والخجل بيها
صبا...زينه الحمد لله رفعت راسي باوعتله ابتسم وجر نفس خله ايده جوه خده
حسام...ليش هلكد ذبلانه
صبا...لا شوي مالي خلك جنت درت وجهي عن عيونه نصيت العب باضافري جوه الميز كال
حسام - جريت نفس صبا ماعرف الف وادور اني طلبت اشوفج حتى اعتذر عن اللي صار بقت منصيه راسها وغابت الضحكه اباوع وجهه وررد من الخجل كملت كلامي --- ماعرف شون تماديت هلكد ماعرف شون سمحت لنفسي -- سكتت اباوعلها مترفع راسها دموعها كامت تنزل عالميز قطرات قطرات والميز جام كلبي انعصر خرب شرفي وذمتي اي والله
حسام...لتبجين همست اني مااسوه دمعه منج
باوعتله ونصيت برطمت درت وجهي
صبا تنهدت صبا ماعرف شكولج
صبا...كول عادي ماضوج باوعتله خلي يكمل حجي صار واضح اليريد يكوله
حسام...مو قصدي ااذيج بس جان لازم ترفضيني اغلى ماعدج شرفج شون تقبلين فركت وجهي منصيه راسها صبا غلطنا ثنينا احنا ليش خليتيني ليش
صبا ...رفعت راسي جريت نفس رديت بسرعه بله تفكير حسام اني اريد اقاوممك وكلما اريد ادفعك تصيح باسمي تشاورني اشرت على اذني واني افقد كل قوتي ماعرف ليش كلتها ضل صافن فاتح حلكه ايباوعلي غمظ عينه ورجع فتحها قرب نفسه عليه كملت كلام -- اني اصلا معرفت شنو الديصير اني وراها متت قهر وخجل
حسام - صبا همست اني اول واحد
صبا...شنوو عكدت حاجبي فتحت حلكي
حسام....سالتج جاوبيني
صبا....مرديت بس صافنه عليه
حسام...لتلوميني استسلامج بين ايدي وقبلها دكتور ازاد لو ما الخربطه الصارت جان سوه السويته ويمكن اكثر باوعتلها بشك هي بس فاتحه حلكها صافنه جريت نفس رجعت ارتجيت عيونها صافنه عليه والدمعه مستقره بجفنها لاهي التنزل ولاهي الترجع --- اني اعتذر كلتها بس اني وياج من بيئات مختلفه انتي اكثر وحده تعرف شصار بيه من عرفت برشا--- كامت مترد بس صافنه عليه -- صبا لتباوعيلي هيج اني مواعدج بشي اشرت على روحي مردت بس شفتها ترجف تريد تبجي فركت وجهي ربي هونها عليها وعليه احجي شبيج
صبا - بلعت ريك بصعوبه همست-- امنت بيك -- وسلمتك نفسي لان واثقه متاذيني تعلقت بيك برطمت نصه راسها وخله راسه بيده يلعب باصابعه على راسه مثل البيانو سكتت خلص الحجي
حسام - رفعت راسي --- شوفي يبنت الناس رفعت راسها تباوعلي ساعدتج ووكفتلج مثل مساعدتيني ماعرف شصار وتقربنا وانتي تدرين بيه خاطب وفاصخ
صبا - هزيت راسي اي بله صوت
-
صبا - رجعت هزيت راسي دمعتي رافضه تنزل ساكته وبحلكي كومه حجي
