متلازمه السجن
تكمله البارت ٤٥
للكاتبه مريم السعدي
...........🍁............
رنا- تريكنا وكعدت وي صبا ندور الاسئله نزلوها عالنت ورشا كاعده تباوعلنا رجل على رجل
حسام طلع ووسام وياه بس امي بعدها نايمه طلعنا الاسئله فرحت اني وصبا جانت مناسبه يعني يجاوبون عليها بسيطه
كمنا عالبيت ورشا كالعاده كلشي متسوي حسبناها مموجوده كملنا غسل الطرمه طلعت امي كالت يمه لعد وين رشا
مادري ماما بالهول جانت
ماهي
بقيت صافنه عليها باوعت لصبا ذبيت الصونده وطبيت طبيت للغرفه لكيتها فاتحه كنتوري القديم اللي بي غراض شيرين حاليا كالت بنتره
ادري شنو هالنازحه ماخذه الكنتور كله وين اخلي غراضي
اي اي هسه افرغلج فتحت الكنتور شفت شيرين مفرغته مبقيه خانه وحده بس الها يعني مفرغه الكنتور لرشا صفنت عليها كالت هااه عبالي ممفرغته بقيت اباوعلها مستغربه
رجعت طلعت لصبا وخايفه من رشا كملنا شغل خليت الجدر عالنار وصبا يمي تثرم بالسبيناغ وتسولف
صبا- اليوم نسوي خلطه مال شعر مدام بايته يمنا
يله الله وايدج وهاي دتطلعلي حبابي بكصتي مااعرف ليش
هاي الحبابي تطلع بوكت المراهقه
اني اساسا مطلعت بمراهقتي
لعد هاي حراره عدج بجسمج وهالحراره متطلع الا وكت الحمل حبوبه
فكيت حلكي باوعتلها كالت
فايتتج لج
لا بعد بس كلبي كام يدك سريع هههه يارب نحبل ثنينه
ياربي ههه كملنا الغده وكامت تسوي بالخلطه تعلمت اشرب كهوه من ايده يوميه الصبح
صبا تشربين كهوه
اي حبابه
اندكت الباب باوعتلها تتراهنين خاله سعاد هاي بقت وحدها وضاجت
هله هله خلي الدله اني افتح الباب تاخذلي فنجان هله بسعدوله
ههه طلعت صبا فتحت الباب وطبت خاله تضحك
كالت مكموعه طلعتي ورحتي بتي مكلتي هاي خالتي تضوج ورجلج يحومي الليل كله منام يدور حضن ابن الزفره
هههه سوده عليه حبيبي كلت هالكلمه
وطبت رشا باوعت لخاله سعاد تقربت بوستها خاله من وره خشمها وتباوعلي كالت يمه حسبو حسابي بالكهوه
خوش
وكبري جدريتج مسويت غده بعد لتباتين رجلج ميكدر بدونج يمه
كالتها وباوعت لرشا رشا رفعت راسها تضحك وتهز راسه مستهزاه
همست اي خاله صبينا الكهوه وكعدنا داير مدايرها خابرنا شيلان ثواني وهي يمنا تركض
الله عليكم خو ما بديتو قبلي خليت الجدر وجيت ركض
هههههه لا بعد يله خاله ابدي بيه
صبا- لالا بيه اني فتحتلها الباب
رنا- لااع بيه خاله معليج منهم اني جنتج
كالت
طيني فنجانج
كلبت بي عكدت حاجبها كالت عاب هالفان هاج هاج فري باصبعج فريته كلبي انعصر طيتهيا كلبت بي كالت بنتره هاج كومي غسلي
