متلازمه السجن
تكمله البارت ٤١
للكاتبه مريم السعدي
...........🍁............
رنا...عمر شسويت
روحي رنا عوفيني وحدي نترت
عمر فدوه ايدك كلها دم
رنا روحيييي لاهلج
مهتميت جريت الشاش بقوطيه خاله مال الادويه وجبت كطن طبيت للغرفه جان على كعدته جريت ايده بهدوء ذبيت عليها السائل مال تعقيم رفع راسه مغمض عينه قوي رجه راسه عالحايط كام يدك بهدوء خليت الكطن وانضف بالجرح واوخر الكزاز وهو ينزف اباوع مو عالوريد جرحه لفيته وانكطع الدم بقه مرجي راسه مغمض عيونه
عمر اني اعتذر عالحجيته
هزيت راسي بقيت مغمض عيني
تركته ولميت الكزاز وخليته بالسطله وطلعته بره خابرت وسام ورجعت للغرفه شفته على كعدته ومغمض سديت الباب عليه همزين خاله سمعها ثكيل
اجه وسام طلعت راسن وبالي بقه يم عمر اني ثوله شعليه بيه خرب منضر ايده يخوف نمت بالكوه طلع الصبح رحت من العشره
عفيه وسام توديني
وين
بيت خاله
يابه بعدني ممتريك
بين ميصير الجاي وديني وتعال
هاي شبيج
لك مو البارحه خاله محد سوالها ريوك واكلت جبن وهي مزين عليها
يووو يعني بيضه متكدر تسلك
والله كوه تمشي
مهند- هسه انت ليش تلح كوم وديها وخلص
رنا- كام ويدردم رحت لبيت خاله طبيت راسن جانت خاله توها كاعده كالت
ها يمه شو من وكت اني احسن انشاء الله
ها اي خاله ميخالف خاف تنتكسين احجي وادور بعيوني عمر ماهو كون بس اشوفه مبي شي وهذا هو وكفت اخلي قوري الجاي خاله غسلت وجهها وكعدت تحجي اني بالي مو يمها كالت
يمه البارحه ناسيه بوري الحمام مفتوح
يو خاله نسيته صدك
ميهم واحد ممتعود على مكان مومكانه
سويت ريوك وبالي يمه كعدت يم خاله كالت خل اكعد عمر ويانا
لالا خاله كعدي باوعتلها بقلق خاف تشوف الدم وتشوف ايده ملفوفه تتخبل بهالاثناء طلع عمر. مشه بثكل لازم راسه كال
ها يمه كعدتي وباوعلي مستغرب ودار وجهه مزعوج عاكد حاجبه كعد
صاحت خاله يمه شبيها ايدك ياااه شبيها ملفوفه
ماكو شي يمه فركت وجهي بتك ايد كالت
تعال تريك دداشوف شبيك
عمر- نزلت من القنفه كعدت يم امي رنا قدمت ماعون البيض وخلت البيض سلك كدام امي وطتني صمون سالت امي
يوم منو جاب صمون
رنا دزت منتهى وياها كالت هواي جايب مهند
هممم جاوبت بدون ماباوع بوجهه
رنا- اباوعله بقلق صبيت جاي قدمته كدامه اكل قليل وكام للغرفه وسد الباب انعصر كلبي كملنا ريوك وخاله بلعت دواها لملمت ونضفت وبالي يمه مطلع من الغرفه ابد المفروض يروح للجامعه عدهم تصحيح مراح باوعت عالممر بحجه دااغسله الممر يطل منه شباك على غرفه عمر يكدر يفتحه عمر من يريد يهوي غرفته
