متلازمه السجن
البارتة٣٦
للكاتبه مريم السعدي
...............🍁............
صبا - اخر مره شفته قبل شهر بعد مسمعت حته صوته
بس اكو مكالمات تجيني كل اسبوع بالاسبوع مرتين ونوبات اكثر--- باوقات بليل الفجريه نوبات من رقم غريب بدون صوت اضل اردد الو الو ماكو جواب جنت احسها منه بحيث كام من يتصل بيه هالرقم ارد بسرعه اكون مشتاقه لنفسه مشتاقه لاشتياقه
حسام - هالمكالمات مجانت تبردني لا جانت تزيد اشتياقي جنت استغرب ردها السريع يمكن حست بيه اني الداادك لان تبقى فاتحته تضل ترد الو وبعدها تسكت تستمع لصوت نفسي واستمع لصوت نفسها ثواني نوبات دقيقه واسده او هي تسده
الحمد لله وسام نجح وامتياز هالسنه ورائد وسونه هم بقت بس رناوي ---اللي صارت سالفتها سالفه صفنت البيت كله
رنا - باخر يوم امتحانات جنت مسطوره بالصار ومسطوره بحجي الضبع اكول لحسام هو بيا حال يوميه واكع بقيت يوم يومين اتهرب من عيونه التعرف شافكر بس يباوع بيها وفعلا انلكفت
حسام - رناوي فدوه
..ها عيني شنو
بس اكويلي البنطرون اكولج رفيف دتحاجيج هاي
...اي ليش
...عمر دتحجيلج عنه شي هالا
..اي
..اي شونه
...بقيت اباوع بعينه ونصيت شعلينا منه
حسام...ها يعني كايلتلج لتحجين لاحد جريت نفس- عمر صاير مو عمر اول حرامات هالشاب المرتب والله اخلاقه تروح لازم اروح اصحي
رنا -نزلت راسي من عيونه
شبيج
رنا شبيج هالايام شو معتكفه لو اكتئاب السادس
ها
شنو هاا شبيييج بقيت اباوع بعينها بقت منصيه
اكو شي
اي
احجي ليش ساكته
باوع والله اني معليه هالمره من صدك
هه ليش القبلها جان الج دخل احجي يابه احجي
باوع الضبع ------
حجيتله كلشي ضل صافن بوجهي كال
يعني المره الجتي ذاك اليوم هاي امه
هااااه ليش منو اجه
حسام...جتي مره عليج خطابه واني رفضت لان كالت ميقبل تداوم جامعه ورفضت راسن
يعني هاهي
بس والله مو حجي هذا شون وياه لازم اروح احاجي شنو شو هيته عده انعل ابو يابو اليريده
......بقيت اباوعله ونصيت راسي عبالك هم وخلصت منه
...اني حروح اجيب خبز بس كمليلي كوي
حسام - طلعت من البيت كبل لبيت الضبع لازم احاجي بهداوه لازم يشيلها من راسه وصلت دكيت الباب طلعلي ابوه سالته عن ابنه بعد السلام كال بعد سبوع ينزل هزيت راسي ماشي بس ردت رقمه راسن طلع الفون من جيبه وردلي الرقم سيفته ورجعت للبيت صعدت لغرفتي دكيت عليه دك دك دك رد
الضبع...الو نعم
حسام...الو السلام عليكم
...هله يابا وعليكم السلام والرحمه
ابو اسد شونك
اهلا منو وياي
اني حسام اذا عرفتني
ها اي اهلا وسهلا وميه هله
رايدك بسالفه شون اكدر احاجيك
هاه الباجر انزل لخاطرك
لا خاف زحمه ---بقيت صافن شهالاخلاق الحميده
