مولازمه السجن
تكمله بارت ٤٠
للكاتبه مريم السعدي
..............🍁..............
رنا- رحت للفراش بس اتكلب مكدرت اغفى شوي واندكت باب غرفتي باوعت شيرين شالت راسها كمت رحت فتحتها وسام كال
تعاي داحاجيج
جيت طلعت وسديت الباب طلعنا للمطبخ كعد كدامي كال
شنو راسج بسالفه خالتج
نصيت راسي
ميفيدج اسمعي مني
باوعتله كتله شسوي
ارفضي يابه محد يجبرج
حسام يكول اني اعرفه شنو من شي والشين التعرفه احسن من الزين المتعرفه
عمي عمر ذهب وورده ولا عبالج علمود سالفه الشرب هاي يتركها بسيطه ويرجع لحنيته وتربيته بس ميفيدج لان جان خاطب اختج
نصيت راسي
والله رنا تتاذين وهو هم يتاذه يطلع قهر رفضها اله بيج
ارفض انت من اخويه
رفضت وحسام كال اني اخوها الجبير انت مالك دخل
شسوي لعد
روحي لمهند وكوليله ماريده
اوك هزيت راسي
والله عمر ماكو منه فلوس واخلاق وشهاده وابن خالتي وذهب بس سالفه اختج تطلع بيج اني خايف عليج والله
هزيت راسي اوك
يله كومي نامي
كمت طبيت نمت لوجه الفجر يله غفيت ثاني يوم عدي اوف رحت لمهند الصبح جان بعده مطالع لشغله حجيتله كال هاهي يابه محد يجبرج وحسام عوفي عليه برد كلبي ورجعت للبيت نمت مره لخ كعدت الضهر ماما وخاله يطبخون وشيرين لازمه البيت كاربته شكد خجلت كعدت اكل طبت شيلان ومهند حجو وي امي بغرفتها بينما خاله تصلي جانت شوي وصاحتني ماما كالت تعاي احاجيج طبيت يمهم كالت
يمه شبي ابن خالتج ورافضته
ماما حبابه باوعت لمهند فرك وجهه كال
يعني شنو جبر هي
ام مهند- ماما حبيبي اني الربيته لعمر واني الاعرفه شنو من شي ولك عمر طيب حيل وخالتي تموت عليها البيت كله يصير الها وهي ام البيت ليش مالنا يروح للغريب وتجي وحده تلعب طوبه بي مثل اختك اقلها رنا من تعيش وياه تعوض الاذيه الشافها من رشا
مهند- وشنو تحملوها ذنب العار ذيج
ماما مو شغله تحملها ولا شي بس الولد ميتفوت ابننا هسه قابل باجر نزوجهم طوها مجال للسالفه يعني انتي ليش معترضه رنا
رنا- نصيت راسي شكولهم كشت روحي منه
مهند- شنو فلمج رنا خاف علمود الضبع لو اكو غيره يابه اني واثق بيج مليون بالميه بس صارحيني مراح اكلج
رنا- والله مهند لو عدي احد ببالي اكولك بس مالي خلك هالسوالف اني
مهند- واني اعرفج يابه ادري بيش تفكرين بس طيني سبب يخليج ترفضين عمر واني وياج
رنا- جيف يشرب
مهند- ههه ليش قبل اختج جان يشرب حبيبه هاي وضعيه موقته هذا مو شراب بس من الاذيه الشافها وهو تره مشايف قهر فصعبه عليه تدرين من هو صغير يعشقها لرشا وتجي العينتين من يخطبها ويدللها وشتريد حاضر تالي تكوله ماريدك وفتره سبوعين تاخذ غيره شنو معناها هاي معناه هو وجان وياها مسويه وي ذاك علاقه يابه والله لو اني اذبحها الله يعين كلبه
