متلازمة السجن
بارت ١٨
للكاتبه مريم السعدي
.... ........ .........
رنا- جتي شيلان لبيتنا رغم رفض اهلها بس جهالها اندمرو رادو بيتهم ومكانهم رجعت لبيتها ماما وره تقريب العشره ايام كامت تحجي ويايه بس بثكل والولد محد يحاجيني بس حسام كل فتره يومين 3 طاب للغرفه عليه واني مسويه روحي نايمه احسه يمسد على راسي لو يباوع عليه ويروح.
اسمعه يسال امي دتاكل لو لا ترد عليه اي اكلت وطبت كلامي وي رشا شبه معدوم ابد متحاجيني وسام كلما يطب يسال امي هاي متطلع من البيت احركه للبيت وامي تكوله لا متطلع اصعب شي رفيف مترد عليه جتي ايام ردت انتحر اكول وي روحي اروح لبابا وراها اتذكر عذاب رب العالمين اغير رايي وارجع التزمت بصلاتي اكثر من قبل اكو كتاب اسمه جامع الفوائد في اسرار المقاصد بيه خامات وادعيه ومتوب يمهن الدعاء مستجاب سريعا وبيهن صيام وصلاه جانت امي دائما تقره بي لزمته ختمه وره ختمه بدون ملل او كلل ماعدي غير شي بس الله يبين الصح من الغلط
رشا بعد مالي دخل بيها وبيوم من الايام
الضهريه جان عمر عدنا عازمته ماما عالغده واني جوه وهمه كلهم بره ضهريه وتندك الباب بقوه كمز عمر وخرت البرده اباوع منو ديدك الباب هلشكل طلعو الولد وراه وامي ورشا واكفه وراها بباب المطبخ
حسام- منو
...اني اني
....فكيت الباب اتفاجا ولد خشن ولابس عسكرب نقيب بالجيش وسيارته نيسان وراه غادي نار والعرك يصب يحجي وينهد
تفضل يابه عكدت حاجبي مستغرب باوع لجاهل وياه هالجاهل مره اجه وي بنيه على رشا سال الجاهل هذا بيتهم عمو جاوب كله اي عمو هذا متاكد وهذا الطلعلنا وصاح رشا
حسام....تفضل يابه المن رايد
....خويه داخل عليك وعلى عرضك
يحجي ويرجف يتوسل
حسام...تفضل اؤمر
...خويه اني اختي صديقه رضيعتك رحمه لشيبات ابوك بس صيحها اختي مرجعت من الدوام من الضهر ليهسه مندري مخطوف لو وين وصارت ب5 وهي ماكو الله يخليك بس صيح اختك
حسام ...اختي منو عكدت حاحبي
....رشا لج رشا
...كالها ويتلفت يباوع ببطن البيت التفتت على نضره اباوع رشا وره امي شافته دتطب جوه هو صاح من يمه رشااا باوعتله شهالصلافه
حسام.....دفعته بره اخويه وين داخل رجع يدفعني بتوسل مستعجل صاير نار بقيت صافن عليه عمر ووسام يتلفتون
...رحمه على امك وابوك العشيره كلها مكبعه سلاحها وواكفه بباب بيتنا بس صيح اختك اسالها داخل على عرضكم
يحجي بتوسل ووجهه دم يعينهم الله
....صحت تعاي رشا رجعت طلعت كالت
ها اباوع وجهه انخطف تعاي هذا يكول اخو صديقتج دااحجي هالكلمتين طب بنص الطرمه ركض وصل لرشا عمر تقدم دفعه رجع تقدم حنه جسمه وصله لطول رشا يتوسل
...رشا فدوه لعينج بس كوليلي سلمى وين
رشا...منو سلمى مااعرفها
....منو سلمى شنو سلمى متعرفيها صرتي اويلي يابه لج متعرفين سلمى
رشا...اي مااعرفها ومو صديقتي مجرد ويايه بالصف شعليه اني بيها
