متلازمه السجن
البارت ٣٨
للكاتبه مريم السعدي
..............🍁..........
رنا- رجعنا للبيت مر يومين وداومت قررت ماغيب بعد وحسام كعد حجه ويايه بنتره كال
...كافي دلال وجبن صيري سبعه
واعدته مااخاف واقوي روحي لااقل شي ارجف من كعدت بيني وبين نفسي لكيت ماكو داعي لكل هالخوف خابرتني رفيف وبقينا نسولف لليل وسديته منها ضليت اقره لحد ماكملت وراها كمت عالبيت نضفنا اني وشيرين اللي صايره تتعب بسع وشفافها تزرك طلعت عالطرمه سمعت صوت عمر يحجي لحسام
عمر- ولك مطلكه وخطيه منقصه العينتين خابرتني وتواعدنا كالت نتعشى بشقتي يابه شكو بيها تعشينا هي مااكلت شو كملت عشا وتعشت بيه هههههه ولك ماكو هيج مخبله سطرت دماغي سطر
حسام- اي يابه الله ربك دير بالك لتحبل عيني
...شيحبلها مو اني غشيم عساس لا عوفها تفيد وتونس
...هي شحالها اوع عبالك قالب جليد
...تخبل بيضه ثلج وجهه ابيض من حياتي لعد الباقي شونه هههههاي
.... خرب يومك لك لتخيل اذبحك
ليش مرتك واني مادري
لا هاي ونسه بابا يازواج كل عقلك اتزوج جنك امي
رنا- جمدت بمكاني عالسمعته دموعي تجري بدون مااحس عليها وكعت الماسحه التفت حسام كال
ها تنضفين الطرمه عوفيها اني اغسلها بقيت اباوع بوجهه ودرت وجهي باوعلي عمر غايبه الضاحكه عنه نزل راسه عالتلفون طبيت للبيت وحسام وعمر نضفو الطرمه
بي شي انكسر كمت اقارن بين الضبع وعمر هذا سحل روحه وهذا لعبان نفس شو كمت افكر بالضبع لا بس داشوف روحي شكد مقدرني رجعت اخذت تلفوني من حسام فعلت الخط لان جان موقف صار هواي متارسته رصيد حسام سوالي بلوك على ارقام الضبع اللي اتصل بيهن عليه حسيت نفسي الزواج ماريده رشا كل فتره تتصل تسال واول سوال تسال عنه اني والضبع كمت ماحاجيها ابد
سانه- اتصل بيه بليل جان متغير وصوته ثكيل احجي وياه ويجاوب بنتره
...فراس شبيك ضايج
...مابيه شي
...اليوم مخابرت
...خابرتج وجنتي بيت جدج لليل يله كنكتي
...سكتت اي صح رحنا بيت جدو
...اييي وبعدين نترت
...هاهي تعشينا عدهم مو بابا وخالو تعاركو
...معليه اني معليه هسه شفتي
المن
...استغفر الله سانه لتغشمين روحج
..ابن خالي
..اي طبعا اكو غيره شفتي مو
اي
..وبعدين كملي
هاهي
..باوعلج
سكتت
..سانه جاوبي
اي
فراس...شجنتي لابسه
بنطرون و سويتر
..مممم وبعد بعد كملي
هاهي كمت احجي بثكل وخوف
...ملابسه حجاب مو همست
.لا اني من اروح بيت قاطعني
...وللللليش متلبسين حجاب رايحتلي هيج بيت جدج حتى يتفرجون
...فراس شبيك
...كلشي مابيه روحي سانه الله يخليج
زعلت
...لا عادي اصلا جدا عادي اذا احد باوعلج هسه اروح بالشارع بطرك الشورت شتكولين بلكن وحده تباوع على جسمي تكول شون جسم حلو
...هاي ليش هيج تحجي برطمت فراس ليش تريد وحده تباوعلك
...يربي حجاره لج بابا روحي حطلع من التلفون روحيييي سديته بوجهه واني نار بدت معاناه الغيره وهي بارده متحس شوي ودك التلفون فركت وجهي رديت
