متلازمه السجن
البارت ٢٢
للكاتبه مريم السعدي
........ ...... .........
حسام- شنو الصار شسويت اني وششون تسمحلي شون سكتت افتح الدكم فاقد وهي بغير عالم وجهه ينفر دم ومغمضه بقيت صافن ممعقوله مو اول شخص اي يمكن صح لو اول شخص جان انهزمت خافت شنو الديصير صبا سلمتلي روحها لو مااني مسيطر على روحي جان --- جان كلشي اكدر اسوي غمضت عيني صاير اعصاب ماريد اشوفها ولااحاجيها شون چن كشت روحي منها ممعقوله ناطيه مجال لغيري اي ليش لعد مو دكاتره وفلوس مورادت تسلم نفسها لازاد اخ مني اخخخ كله مني اني السبب وان كانت ماعدها علاقات بس زايد عن اللزوم منفتحه طبتها وطلعتها للعشره بليل ولبسها وحجاب ماكو شترجى منها كمت من مكاني بالفراش وكلسا اتذكر الصار عبالك تلعب روحي من روحي بحياتي مدايس الحرام شنو التغير معقوله هالبنيه مو نضيفه تذكرت لمساتها الي لجسمي من تسوي المساج ايدها ماخذه اوووووووف ربي ماريد افكر ماريد ..
نزلت جوه كلمن بغرفته خابرت عمر طلعت رحتله انتبه عليه متوتر
عمر- شبيك يول
...مادري فركت وجهي باوعتله بقلق
...احجي شنو مخنوك
...مادري مادري وكفت عمر اني حرجع للبيت
...وين هاي شنو شجاك
...ماريد انام
...تعال حسااام
...عوفني لخاطر الله
...ماعوفك لزمته من ايده شبيك متكولي شاخط اليوم
...عمر هدني خل اولي حكوم اخربط تره باوعتله خزرته
...ومتخربط احد لازمك اكعد شوي خل افتهم شنو متچالب وي احد بقه يبااوعلي ويلعب بشاربه ويهز رجله
احجي عاااد تره بگت هوه
...لا ممتعارك تنهدت ماكو شي
...احجيلي شبيك اني عمر
...شحجي صخام وجي صحت فركت وجهي بايدي
عمر...احجي ميخالف
...صبا
...فكيت حلكي شبيها ولك
....مابيها شي بس
....احجي حسام طلعت روحي خرب شرففك هم
....رحت وياها زايد
....لالا متسويها
...سويتها وخلص
...شنو وين وصلت عريس وعروسه
...لامو هالحد
....ادري شبسع واول تالي تدوس حرام
....مادري صارت بعد وعبالك خبره مصدوم اني بيها مصدوم نطتني كل المجالللل
عمر....لابربك خاف سوگها هاي تكسي اطباء خاف عضيت شفتي نتر بيه بعصبيه
حسام...اكل تبن شنو هاللغوه
....لعد شنو الفلم فهمني
....ماعرف والكعبببه اوهوووو اني حروح.
...ووجعه ابوي اكعد عاد عبالك صغير خبصنا اروح واروح روح يطبك مررض حجايه بيها خير ميعرف يحجي
...- شون هيج اسوي وشون تنطيني مجال لك حجايه محجت
...باوع هي وحده من ثنين لو سوگ لو حابتك ومتعلقه بيك
...شون بله
عمر....اني قبل سبوع مو هواي قريت مقاله نفسيه دكتور فرنسي كايل انه المراه اذا احبت وتعلقت متكدر ترفض التحبها وان اذاها تحس باذيته لذه
حيام - الله ياشاعر ياجريح
عمر....اي والله شبيك كتب انه متكدر تمنعه وتعيش وياه بخيال تهرب بيه من واقعها وعلمود مهنتها هم متكدر تكولك لا زين هي وفتلك الدين
...دتوفي شوي شوي
