متلازمه السجن
بارت ٢٠
للكاتبه مريم السعدي
....... ........ .......
حسام- هاهي ب5ونص بنفس المكان التواعدنا بي ومصارت ههه
صبا- اي اوك
حسام- اي جريت نفس شسويتي مسويتي الحجيه شونها دكتور فيصل
صبا....كلهم زينين الحمد لله بيبي تريد تشوفك هههه يوميه تسال تكولي ديجي للمستشفى شونه واكولها يمعوده لا من جبت رنا كتلها كالت خطيه متستاهل
حسام....حتى على رنا حاجيتلها
...اي عالكل تنهدت
...اي وبعد
...بعد شكو
...ماكو جديد
...لا والله بس بعد شهرين ينتقلون لغير بنايه ودكتور فيصل كال انتي ويايه
حسام....ممممم جيد جريت نفس مدري شبيه رجعت الخنكه حست بيه من صوت النفس
صبا...شو عبالك مختنك
حسام.....شون عرفتي شون حسيتي خرب يومج
صبا....ترى جنت بغيبوبه والاطباء يكولون يموت واكلهم يعيش
....هه صح تحاجيني كانما كاعد
...اي همست غمضت عيني
..ويدك كلبي من تتقربين غريب جان الاتصال الروحي البينا
....اي تنهدت
...بس من غسلتيلي تمنيت اكدر احرك جسمي وابسطج
...هههه خرب ليش تتذكر انسى
...شنسى شفتي الامه كلها
...والله مو ببالي كانما اله كدامي
....انتي شفتي كل الاجهزه لو يمتحنوج بيه تاخذين امتياز
....سكتت
...ها شبيج
...ماكو شي
حسام....شكد احب سكوتج وخبالج ثولتيني بوكتها هسه وهسه حكمل بسرعه وترتاح يبوووو خرب يومج انخبصت خبص لو احلى شي من كتيلي لو تموت احسلك
صبا....اي عززه ههههه حتى هنا كاعد
حسام.....بابا اني وين نمت سمعت كل كلامج
صبا...خرب شون شغله
...جنت اكره مي الورد من وراج كمت احبه
...ههه وجهي حساس الصابون ياذي اغسله بمي الورد
...مو انتي ورده
...بس ذبلانه
....لاترجع انشاء الله تفتح وتنتعش
...بقيت ساكته
...صبا انتي ششفتي من حياتج شنو هواياتج
...اني اعشق مهنتي
...اي باوعت عالساعه ضلمت الدنيا الوكت وياها يطير
...اي
...حبيتي فد يوم
...اي
...المن دكتور وياج
...لا والله صديق اخويه مره تعرضلي ولد بالشارع وهو شبعه ضرب شفته سوبر مان كمت احبه
...تالي
...ربك العالي هو متدنه الولد رزن واني اخجل وكلمن شاف حياته ولايدري بيه افكر بي
...مممم قصه حزينه
...لا مترهم اني امي وابويه اخذو كل مراهقتي واجه احمد كملها بعد شريد
حسام....بس بعدج صغيره ومن حقج تحبين يعني انتي ماكو واحد بگلبج
.....سكتت
....احجي مو دنسولف
....جريت نفس خجلانه
....شبيج همست
صبا....انت مو جنت تحس بيه من المس ايدك
حسام....امم غمضت عيني دك كلبي مجرد تذكرت اللمسه تنهدت احس حتى بنفسج من يتضايق لو مغثوث
....بقيت ساكته
حسام...وانتي هم تحسين بيه من ابجي ومن يدك كلبي
...اي جنت احس بكل نبضه
حسام...ومن تتلمسين جسمي
صبا...متلمسته شوكت
...مجنتي تخلين دهن بيبيتج
....اي بس هاي يعني مهنتي
.....بس من جنتي توصلين لوجهي لو كتفي او ضهري
صبا....كافي كافي
حسام....ليش همست متاثر ليش تسكتيني اني جنت عايش وياج بكل احاسيس
......حسام اني اخاف انجرف اكثر
....لتخافين مني اني ماخوف
...اخاف على كلبي
