متلازمه السجن
البارت ٢٥
للكاتبه مريم السعدي
................🍁.............
صبا - بقيت كاعده تقريب نص ساعه وراه بالمطعم بس صافنه وي الذكريات من جان بالغيبوبه لحد هاللحضه كلها اني الغلط كلها كلها صوجي تعلقت صدك لو كالت عمه ماكو شي اسمه حب بهالدنيا كلهم جذابين وكفت شلت جنطتي ورجعت للبيت گطره حيل مابيه الدكتور باجر يجي واني --- اني ورقه يابسه هوا يطيرها ونار تحركها رجعت احس شي بيه فاقدته شي مضيعته ومتندمه حييييل كلي ندم طبيت لغرفتي كرهت فراشي والغرفه كلها مجان اكو احد بالبيت صننننطه لاول مره بحياتي احتاج لامي اريد احجيلها اريد ترزلني طبيت للفراش اول مشميت ريحته بي بعد مضل طاقه بجيييييييييت لحد ماغفيت ومحاسه بروحي شوكت غفيت
حسيت على عمتي تذب على وجهي مي بارد فتحت عيني بصعوبه بيبي ميته بجي وتمسح بفوطتها وجهي.
يمه البنيه راحت مني يمه يمه وينك عنها قدوري يمه يمه البنيه مدري شبيها
اباوع لبيبي عكدت حاجبي همست كوه بيبي شبيج تونين فوك راسي مبي شي
عمهتي كالت
صار ساعه ترجفين غبرره شبيييج متكوليلي محسيتي الا شمرت عليج مي بارد كومي داشوفج شبيج
صبا....عمه مبيه والله بس عوفوني انااام احس حلكي يعلس من احجي
...ماكو نوم نايمه من البارحه الضهر كومي بسع
صبا...شنو من البارحه ليش شنو بيش ساعه
....ساعه 11الصبح من البارحه ب5نايمه ليهسه
صبا...فكيت عيني صافنه اريد اشيل راسي صاير شثكله اخ يابه
...شبيج ماما متكوليلي شبيج اشكيلي
اباوع لبيبي راحت ركض للمطبخ جابت مي شربته بالكوه ايدي ترجف سريع بقيت صافنه شصار بيه ليش هيج طلعت بيبي كالت حروح اجيب كسور اسويلها مي لحم طلعت من يمي وكابلتني عمه
...شبيج ماما احجيلي
صبا...مابيه شي عمه
مو كلنا وحده تشكي للخ احنا خوات ام وبنت ليش تاذيني
صبا...عمه مابيه همست رجعت تمددت بقت كاعده يمي تمسد على شعري وتصلح بالاوراق مال طلاب وكلسا منداره عليه اما اني فبغير عالم ساعه اتذكر كلام الليل والتلفونات ساعه عيونه من يغازل ساعه اتذكر من -- من جان نايم اني شورطني بيه شوكعني هالوكعه وعليمن ربي بس طلعه من كلبي مثل مزرعت حبه غفيت ودموعي تجري ليش هلكد تاثرت ابويه وامي ماتو محاسه بهيج فراغ هو هذا الحب هيج يصير اتخيله يسوي السواه ويايه وي وحده يحبها هو ممعترفلي بحبه وصورلي الدنيا جنه عاد لو يحبني شون ديعيشها هسه شون دتحس نيالها الف نيالها شكد عاطفي وحنين يربي شون حنساه شون طلعت تلفوني عمتي باوعت على ايدي مكدرت اشتاقيت فكيت الرسايل وحده وحده اقراها
وينج يمعوده وين صرتي كلتي 5دقايق صار 11دقيقه وانتي ماكو دتمددين لو اكو نكره بالفراش طبيتي بيها---- ضحكت ورجعت بجيت قريت الوراها
مشتاق لعيونج صبا اريد اشوفج مشتاق تلزمين وريدي
اموت عالدكه اللي بحنجج والشامه البنصها اموت على حاجبج من يرفع وتصيرين عصبيه وراها تضحكين
