متلازمه السجن
البارت ٣٩
للكاتبه مريم السعدي
............🍁...........
رنا- طبيت للقسم مالتي شوي ودخل هو محاضرته جانت صار ميعجبني اباوعله اصلا ولا احب اسمع حتى محاضرته شفت كم شاب وبنيه طلعو من القسم بعد استاذانهم وكفت اني هم استاذنت اشرلي لا اكعدي
عمر - ادري ضاجت ومتريد تبقى حتى بمحاضرتي بس جبرا قصرا ترضخ وتقبل هاي دراسه مو لعب
رنا - شكد حقير شكككد كعدت وصرت نار بس خلصت المحاضره وطلع طلعت افتريت بالسنتر مرحت لحسام لان ادري بي يلفي هناك
حسام- اذني مشتاقه لصوتها ولا سالت صار 11يوم. هاي رافضه يابه واني كاعد افكر طب عمر كال
ايهاب خابر كال تسافر لتركيا
وحدك
لا وي ايهاب ونسيبه
ها كيفك يله
كال حدز الارباح بليل
اي لك دادا هذا الحجي الزين طب وسام رفعت راسي كال
وينها رنا
مادري بالسنتر مجتي شكو
اوكف خل اشوفها
شبي هذا وجهه مكلوب تعال وسام وسام
ها دقيقه يابه بس خل اشوفها
عمر- صفنت طلعت وراهم وسام كال
صديقتها نهى
شبيها
اليوم ماتت هسه البنات ديتباجن هاي اذا عرفت تتخبل
حسام-لا بربك طلعت كدامه ومشى ورايه الى رحمه الله استغفر الله مو طلعوها مبيها شي
عمر- تذكرت دائما من متجي اشوفها بالمكتبه اااا حسام
ها اوكف
باوع يمكن بالمكتبه
ها لا هاي بالقسم مطلعت بارده
عمر- تركتهم رحت للمكتبه شنو الخلاني اكون قلق خاف تسمع وتتاذه مااعرف رحت للمكتبه وفعلا جانت هناك وكفت يم ميزها جانت تقره رفعت راسها باوعتلي مستغربه
نعم
اخوتج يردوج
ها ليش شكو عزه شلت جنطتي وكتبي وركض وهو كدامي كلسا يباوعلي
ماكو شي
لا لعد ليش دزوك الله عليك خاف ماما خاف احد بي شي
لالا ماكو شي جريت نفس صار بوجهي حسام انداريت عليها تقدمت باوعلها بقلق كلها تعاي ويايه رحت وراهم
رنا- شكو حباب احجي شفت وسام اجه مناك وكف من شافني جمدت مكدرت اوكف اكو شي صاير وصلت للمكتب مال حسام كال كعدي رفعت راسي واكفين واحد منا واحد منا وعمر بالباب تك ايده. عالباب
حسام- باعي يابه الاعمار بيد الله
منو بعد يا الله وكفت حسام عفيه
حسام - رنا صبري روحج وقويها الله يساعد اهلها
منوووو منيييه اباوع بالوجوه تقدم وسام كال صديقتج نهى
اني كعدت ضربت وجهي بقيت صافنه شبي الموت يتعازم عالشباب صدك جذب البارحه جانت هنا تضحك وتصنف مبجيت ولا دمعه من الصدمه مااعرف صارت عدي عادي كعد يمي حسام خله ايده على جتفي
رنا خو مبيج شي
لا عادي صارت عدي تعلمت بس خطيه الله يرحمها لحكت امها وابوها باوعت عمر طب للقسم
اي والله الله يرحمها
الحمد لله طبيت للقسم بدت محاضره ثانيه البنات يبجون استغربت من روحي ابد مبجيت معقوله كلبي قسه لهالدرجه بعد الخبر مال ضبع صار اسبوع ابجي وهسه من سمعت صديقتي ولو مو كلش قريبه بس اعرفها ماتت هيج دمعه منزلت مني عمر خله القسم يقرالها الفاتحه وعيونه عليه قرينا الفاتحه وطلعنا بعدها رجعت للبيت طبيت للغرفه مالي خلك احد بديت اختنك فتحت سجادتي قريت قران هديتله للضبع وصليتله واعدته ماانساه بدعائي نمت والعصر كعدتني ماما نضفنا البيت اني وشيرين وكعدنا بالحديقه كلنا اندكت الباب مهند كام يشوف منو شوي وصاحلي
