Unicode
2011 March
" Hello စစ် "
" ခက် ငါဒီနေ့ မင်းနဲ့တူတူ နေ့လည်စာလာမစားနိုင်တော့ဘူးနော် ... ဟန်နီစာမေးပွဲပြီးလို့ လျှောက်လည်ကြမှာမလို့ "
" အေးပါ ရပါတယ် ငါ ကျောင်းကသူငယ်ချင်းတွေနဲ့ပဲ စားလိုက်တော့မယ် "
" အိုခေအိုခေ ဒါဆို ငါဖုန်းချလိုက်တော့မယ် ... ဪ မေ့နေတာ လက်ဖက်ထမင်းမစားနဲ့နော် ကြားလား "
" အေးပါ ငါသိပါတယ် ဒါပဲနော် ငါ ကျောင်းသွားဖို့ ပြင်ဆင်ရအုံးမှာမလို့ "
" အေးအေး "
စစ်ဖုန်းချသွားတော့ ခက် ရေချိုးရန် ထွက်လာခဲ့သည်။ ခါတိုင်း အလုပ်သွားဖို့တောင် သူဖုန်းဆက်နှိုးမှ ထတတ်တဲ့ စစ်က အခုတော့ ၇ နာရီတောင်မထိုးသေးဘူး နိုးနေပြီ။ ဟန်နီနဲ့တူတူ ကျောင်းတက်ချင်လို့ဆိုပြီး တစ်နှစ်နားထားတဲ့စစ်က သူ့ daddy ပိုင်တဲ့ M.T company မှာ အစမ်းခန့်၀န်ထမ်းဘ၀ကနေ စပြီး အလုပ်လုပ်နေခဲ့တာ အခုဆို permanent staff ဖြစ်သွားပြီ။ ခက်နဲ့ မင်းခန့်ကတော့ အခု 1st year တက်နေကြတုန်းပေါ့။" သား ခက်လေးရေ ကျောင်းသွားရမှာ ထတော့လေ "
ဒေါ်သခင်ခက်ရဲ့အသံကြားမှ ခက် အတွေးစတို့ ပြတ်တောက်သွားကာ ...
" ဟုတ် သားထပြီမေမေ ရေချိုးမလို့ "
" အေးအေး ရေကို အကြာကြီးချိုးမနေနဲ့အုံးနော် ... အအေးမိလိမ့်မယ် ခေါင်းလျှော်တယ်ဆိုရင် ခေါင်းကို ရေပြောင်အောင်သုတ် ကြားလား "
တစ်နေ့တစ်နေ့ ဒီစကားတွေပဲပြောပြောနေတာ မေမေတော့မသိ သူကတော့ အလွတ်ရနေပြီ။
" ဟုတ်ကဲ့ပါမေမေရ ဒီနေ့တော့ သား ခေါင်းလျှော်လို့မရတော့ပါဘူး "
ခက်ရဲ့ ညီးညူညူစကားကိုကြားတော့ ...
" ဒါဆို သားအတွက် မေမေ နွားနို့ပဲလုပ်ထားလိုက်တော့မယ်နော် coffee မဖျော်တော့ဘူး "
" ဟုတ်ကဲ့ မေမေ "
ဒေါ်သဇင်ခက် အောက်ရောက်တာနဲ့ ခက်အတွက် စောစောက၀ယ်ထားတဲ့ နွားနို့ကို ပြန်နွှေးနေလေသည်။ ခက်က တစ်လကို ၅ ရက် တစ်ပတ်လောက် နွားနို့သောက်ပေးရသည်လေ။
" သဇင် ဒီနေ့က ကိုယ်တို့ရော နွားနို့သောက်ရမှာပေါ့ ဟုတ်လား "
ဦးဥက္ကာရဲ့အမေးကို ...
" ဟုတ်တယ် အဖေကြီးရေ သားလေးကဒီတစ်ပတ်လုံး နွားနို့ပဲသောက်ရမှာဆိုတော့ သဇင်လည်း breakfast ကို ပေါင်မုန့်ကြက်ဥကြော်နဲ့ နွားနို့ပဲ လုပ်လိုက်တော့တာ "
" ကောင်းသားပဲကွာ ငါ့သားလေးကျေးဇူးကြောင့် ဒီအဖေက နွားနို့သောက်ပြီး အားတွေရှိတော့ အလုပ်များများလုပ်နိုင်တာပေါ့။ ကိုယ့်ဘာသာဆိုရင် တစ်လနေလို့ တစ်ခါတောင် နွားနို့သောက်ဖြစ်မှာမဟုတ်ဘူး "
ဦးဥက္ကာစကားကိုကြားတဲ့ ဒေါ်သဇင်ခက်မှာ မျက်ရည်ဝဲလာပြီး ...
" အကိုကတော့ အရမ်းအကောင်းမြင်တတ်တာပဲ ... ဒီတစ်နှစ်ပါပဲအကိုရယ် နောက်တစ်နှစ်ကျရင်တော့ သားလေးလဲ အသက်ပြည့်ပြီးပြီဆိုတော့ ခွဲစိတ်လို့ရပါပြီ။ အဲ့ဒီအခါကျရင်တော့ အကိုမုန်းနေတဲ့ နွားနို့တွေ သောက်စရာမလိုတော့ပါဘူး "
" ကိုယ့်သားကျေးဇူးနဲ့ နွားနို့ကို အရင်ကလောက်မမုန်းတော့ပါဘူးကွာ "
ခက် ထမင်းစားခန်းထဲမ၀င်မိပဲ မိဘတွေစကားပြောတာကို နားထောင်နေမိသည်။ ( တောင်းပန်ပါတယ်ဖေဖေ။ ဒီလိုချို့ယွင်းချက်ရှိနေတဲ့သားကြောင့် ဖေဖေမကြိုက်တာတွေ စားနေရလို့။ ပြီးတော့ ကျေးဇူးလဲတင်ပါတယ် ... သားကို ၀ိုင်းပြီးဂရုစိုက်ပေးကြလို့ * )
YOU ARE READING
Let Me Start Again [Completed]
RomanceStart Date>>>> 1.4.2020 End>>>20.5.2020 ကိုယ့်ဘက်က အချစ်တွေပေးခဲ့လည်း ပြန်ရခဲ့တာက နာကျင်မှုတွေတဲ့လား မင်းအမုန်းတွေကိုထပ်ပြီးမခံစားနိုင်တော့လို့ ငါထွက်ပြေးပါရစေ 'ခက်ထန်' ငါအရမ်းမုန်းနေတုန်းက တွယ်ကပ်နေပြီး အခုကျထွက်ပြေးတော့မလို့လား အရင်ကမှားခဲ့တာတွ...