Unicode
မနက် ၇ နာရီလောက်မှာ ခက်နိုးလာခဲ့သည်။ လူက နေမကောင်းချင်သလို ဖြစ်နေသော်လည်း စစ်အတွက် မနက်စာကိုတော့ကိုယ်တိုင်ပြင်ပေးချင်သဖြင့် အိပ်ရာမှထကာ ရေချိုးခန်းထဲသို့ ၀င်သွားလေသည်။ မျက်နှာသစ် ရေချိုးပြီး မနက်စာပြင်ဆင်ရန်ထွက်လာခဲ့သည်။
သူများအတွဲတွေဆို ဒီအချိန်မှာ honeymoon ထွက်နေကြပြီဖြစ်သော်လည်း စစ်က သူ့ကိုမုန်းနေသဖြင့် honeymoon ထွက်ရန်အတွက် ခက်မှာ မတောင်းဆိုရဲ။ စစ်ကိုယ်တိုင်ကလည်း ဒီနေ့အလုပ်သွားမှာဟု ပြောထားသည်ကိုး ။
စစ်နိုးလာရင် စားရအောင် စစ်ကြိုက်တဲ့ ပသျှူးထမင်းကြော်နှင့် ကော်ဖီလေး လုပ်ထားလိုက်သည်။ ခက်က အချက်အပြုတ်ကို ဝါသနာထုံသည်မို့ မေမေ့ဆီက ဟင်းချက်နည်းတွေကို သင်ယူခဲ့သည်။ ယခုလည်း
စစ်အကြိုက် breakfast ကိုပြင်ပြီး စစ်ကိုနှိုးရန် ထွက်လာခဲ့သည်။အိပ်ခန်းထဲကိုရောက်တော့ စစ်က အိပ်ပျော်နေတုန်းပင်။ စစ်အတွက် မျက်နှာသုတ်ပဝါနှင့် သွားတိုက်တံတို့ကို အဆင်သင့်လုပ်ထားလိုက်ပြီး စစ်ကိုနှိုးလိုက်လေသည်။
" စစ် .. စစ် .. ထတော့လေ။ company သွားရအုံးမှာမလား ? "
" အင် ... အင်းး ဘယ်နှနာရီရှိပြီလဲ ? "
" ၇ နာရီခွဲနေပြီ "
ဟုဆိုတော့ စစ် ထလိုက်ပြီး ရေချိုးရန်ပြင်လေသည်။ စစ် ရေချိုးခန်းထဲ၀င်သွားတော့
စစ်အတွက် အင်္ကျီတွေကို အဆင်သင့် ထုတ်ပေးထားလိုက်သည်။ မိမိကို မုန်းနေမှန်း သိသော်လည်း သူ့အတွက်တော့ လုပ်ပေးချင်သည်မို့။ခဏကြာတော့ စစ် ရေချိုးခန်းထဲက ထွက်လာသည်။ သဘက်လေးကိုင်ကာ ရပ်စောင့်နေသည့် ခက်ကိုတွေ့တော့ ...
" သွားတိုက်ဆေးတွေ ထည့်ပေးထားတာ မင်းလား ? "
" အင်း ဟုတ်တယ်။ ဘာဖြစ်လို့လဲဟင် "
" နောက်တစ်ခါမထည့်နဲ့။ မင်းလက်နဲ့ထိတဲ့အရာမှန်သမျှ ငါရွံလို့။ အခုချက်ချင်း ငါ့မျက်စိရှေ့ကထွက်သွား မနက်စောစောစီးစီးကျက်သရေတုံးတယ် "
YOU ARE READING
Let Me Start Again [Completed]
RomanceStart Date>>>> 1.4.2020 End>>>20.5.2020 ကိုယ့်ဘက်က အချစ်တွေပေးခဲ့လည်း ပြန်ရခဲ့တာက နာကျင်မှုတွေတဲ့လား မင်းအမုန်းတွေကိုထပ်ပြီးမခံစားနိုင်တော့လို့ ငါထွက်ပြေးပါရစေ 'ခက်ထန်' ငါအရမ်းမုန်းနေတုန်းက တွယ်ကပ်နေပြီး အခုကျထွက်ပြေးတော့မလို့လား အရင်ကမှားခဲ့တာတွ...