Unicode
ဂျိမ်း ....⚡⚡⚡
ကျယ်လောင်စွာ မြည်ဟီးလာတဲ့ မိုးခြိမ်းသံကြောင့် ခက် လန့်နိုးလာသည်။ နာရီကို ကြည့်မိတော့ ည ၂ နာရီ။ မိုးတွေလည်း အရမ်းသည်းနေတော့ ခက်တစ်ယောက် စောင်ခြုံထဲမှာ ပြန်ကွေးမည်ပြုစဥ် အတွေးထဲကို ၀င်လာတာက သူအိမ်ထဲ၀င်လာတဲ့အထိ မိုးရေထဲမှာ ဒူးထောက်နေတဲ့ စစ်။" မဟုတ်လောက်ပါဘူးနော် .... သူက အခုထိ ဒူးထောက်နေစရာ အကြောင်းမှ မရှိတာ .... သူ အဲ့ဒီလောက်ထိ မရူးလောက်ပါဘူး "
ပါးစပ်ကသာ ပြောနေသော်လည်း တကယ်သာ အခုချိန်ထိ ဒူးထောက်နေခဲ့ရင် ဆိုတဲ့ အတွေးက ၀င်လာပြန်သည်။ ခက် ဘယ်လိုမှ ဆက်အိပ်လို့မရတော့သဖြင့် ...
" အင်း ... သွားကြည့်ကြည့်လိုက်ပါ့မယ် ..... သူကတော့ အခုချိန်ထိ ဆက်ရှိနေအုံးမှာ မဟုတ်လောက်ပါဘူး ... "
သို့သော်လည်း ခက်ရဲ့အတွေးတွေ မှားနေတယ်ဆိုတာကို တစ်ချက်တစ်ချက် လျှပ်စီးလက်သွားတဲ့ကြားက မြင်နေရတဲ့ လူတစ်ယောက်ကြောင့် သိသွားရသည်။ တကယ်ကိုပဲ .... တကယ်ကိုပဲ ... စစ်က အခုထိ ဒူးထောက်နေတုန်းပါလေ ....
ခက် .. ထီးတစ်ချောင်းယူပြီး အပြင်ကို ထွက်လာခဲ့လိုက်သည်။
စစ်တစ်ယောက် သူ့ကိုယ်ပေါ်ကို မိုးရေတွေကျမလာတော့တာကြောင့်ရော လျှပ်စီးကြားက မြင်ရတဲ့ ခြေဖမိုးလေးကြောင့်ရော ... အပေါ်ကို မော့ကြည့်လိုက်တော့ သူ့ကိုထီးမိုးပေးထားရင်း ငုံ့ကြည့်နေတဲ့ ခက် ....
" မင်း ... မင်းရူးနေလား !! ဒီလောက်မိုးသည်းနေတာကို အခုချိန်ထိ .. အခုချိန်ထိ ... ဒူးထောက်နေသေးတာလား !! သွား .. အခုချက်ချင်း အိမ်ပြန် ... "
" မောင်မပြန်ပါရစေနဲ့ခက်ရယ် .... အိမ်ကိုပြန်လည်း မောင် အိပ်ပျော်မှာမှ မဟုတ်ပဲ ... ဒီမှာ ... ဒီမှာနေတာကမှ အနည်းဆုံးတော့ ဒီအိမ်လေးထဲမှာ ခက်ရှိနေပါလားဆိုတဲ့ အတွေးနဲ့ ဖြေသိမ့်လို့ရသေးတယ်လေ .. "
" မင်း ... ကျစ် ... ဘာလို့ အဲ့လောက်တောင်ခေါင်းမာနေရတာလဲ မင်းစစ်မောင်။ မင်းကိုယ်မင်းလည်း ပြန်ကြည့်အုံး မျက်လုံးတွေနီရဲနေပြီး နှုတ်ခမ်းတွေက ပြာနေပြီ။ ဒီအတိုင်းသာ ဆက်သွားနေရင် မင်းသေသွားလိမ့်မယ် သိရဲ့လား !! "
YOU ARE READING
Let Me Start Again [Completed]
RomanceStart Date>>>> 1.4.2020 End>>>20.5.2020 ကိုယ့်ဘက်က အချစ်တွေပေးခဲ့လည်း ပြန်ရခဲ့တာက နာကျင်မှုတွေတဲ့လား မင်းအမုန်းတွေကိုထပ်ပြီးမခံစားနိုင်တော့လို့ ငါထွက်ပြေးပါရစေ 'ခက်ထန်' ငါအရမ်းမုန်းနေတုန်းက တွယ်ကပ်နေပြီး အခုကျထွက်ပြေးတော့မလို့လား အရင်ကမှားခဲ့တာတွ...