Unicode
စစ် ပြန်ရောက်တာနဲ့ ဒုတိယထပ်ကို အလျင်အမြန်ပဲ တက်ခဲ့လိုက်သည်။ ခက် ... ခက် သူ့ကို ထားမသွားဘူးမလား ။ ခက်က ဒေါသထွက်နေတုန်းမလို့ ပြောခဲ့တာ
မလား ..... သူထင်သလိုမဖြစ်ပါစေနဲ့လို့
ဆုတောင်းနေခဲ့သော်လည်း ...မြင်လိုက်ရသည်က မနက်က သူထွက်သွားတုန်းကအတိုင်း ကျန်နေခဲ့တဲ့ အိပ်ခန်းတံခါး ။ ခါတိုင်းဆို အခန်းထဲမှာ ခက်ရှိနေရင် တံခါးကို အမြဲလိုလို ပိတ်ထားတတ်သည်။ အခုက မနက်တုန်းကအတိုင်းပဲဆိုတော့ ....
စစ် .. စိုးရိမ်တကြီးနဲ့ အိပ်ခန်းထဲကို ပြေး၀င်လာမိသည်။ ကျေးဇူးပြုပြီး .... ကျေးဇူးပြုပြီး .. ရှိနေပေးပါ ...အိပ်ခန်းထဲရောက်တော့ မြင်လိုက်ရသည်က စာရွက်နှစ်စောင်နဲ့ လက်စွပ်တစ်ကွင်း ။ တိတိကျကျ ပြောရမယ်ဆိုရင် ခက်ရဲ့လက်မှတ်ပါတဲ့ ကွာရှင်းစာချုပ်နဲ့ ခက် ရေးထားခဲ့တဲ့ စာ။ ပြီးတော့ ခက် အမြဲတမ်း
၀တ်ထားတတ်တဲ့ လက်ထပ်လက်စွပ် ..." ဟင့်အင်း မဖြစ်နိုင်ဘူး "
ဗီဒိုကို ဖွင့်ကြည့်မိတော့ ခက်ရဲ့အ၀တ်အစားတချို့နဲ့ luggage အိတ်က ပျောက်ဆုံးနေသည်။
" မဖြစ်နိုင်ဘူး ! ခက် ... ခက် ... ငါ့ကို ပုန်းနေတာမဟုတ်လား ။ ထွက်ခဲ့တော့လေ "
စစ်တစ်ယောက် မဖြစ်နိုင်ဘူးဆိုတာကိုသာ တွင်တွင်ပြောနေပြီး အပြင်ပြေးထွက်သွားကာ ခက်ကိုလိုက်ရှာနေမိသည်။ စိတ်နဲ့လူနဲ့ မကပ်တာကြောင့် ဖိနပ်မပါပဲ ပြေးထွက်လာမိတာတောင် သူ့ကိုယ်သူ မသိတော့။ ခက်ကိုတွေ့ရဖို့ကသာ အရေးကြီးနေတာမို့။
( daddy တို့ ခေါ်သွားတာများလား * )
အတွေးထက်အရင် လူက ကားပေါ်ရောက်နှင့်နေပြီး ဦးမင်းထက်တို့ဆီကို မောင်းလာခဲ့လိုက်သည်။
" Daddy .. daddy !! "
" ဘာလာလုပ်တာလဲ မင်းစစ်မောင်။ ငါတို့အိမ်ကို လာစရာမလိုဘူးလို့ ပြောထားတယ်မဟုတ်လား "
" ခက် .. ခက်ကို ထုတ်ပေး ၊ ခက်ကိုထုတ်ပေးရင် ကျွန်တော်ပြန်မယ် "
YOU ARE READING
Let Me Start Again [Completed]
RomanceStart Date>>>> 1.4.2020 End>>>20.5.2020 ကိုယ့်ဘက်က အချစ်တွေပေးခဲ့လည်း ပြန်ရခဲ့တာက နာကျင်မှုတွေတဲ့လား မင်းအမုန်းတွေကိုထပ်ပြီးမခံစားနိုင်တော့လို့ ငါထွက်ပြေးပါရစေ 'ခက်ထန်' ငါအရမ်းမုန်းနေတုန်းက တွယ်ကပ်နေပြီး အခုကျထွက်ပြေးတော့မလို့လား အရင်ကမှားခဲ့တာတွ...