Unicode
2012 April အကျနေ့
" Yayy ဒီနေ့တော့ သင်္ကြန်လည်လို့ရပြီကွ " လက်သီးလက်မောင်းတန်းကာ အော်လိုက်သူက ဂနိုင်။ ယခု အကျနေ့မလို့ ဂနိုင် ၊ မင်းခန့် ၊ သက်နွယ်နဲ့ ခက်တို့လေးယောက် ခက်ရဲ့အိမ်မှာ လူစုကာ လျှောက်လည်ရန်တိုင်ပင်နေကြသည်။
မနေ့ကတော့ အကြိုနေ့လည်းဖြစ်၊ လူကလည်းသိပ်ပြီးစည်အုံးမှာမဟုတ်လို့ မလည်ဖြစ်ကြ။ ဒီနေ့တော့ လည်ကြမည်။ ခက်ရဲ့မိဘတွေကိုယ်တိုင်ကလည်း မင်းခန့်တို့နဲ့ဆို စိတ်ချပြီးသားမလို့ ဘာမှတော့မပြော။ ခက်ကိုသာ အရမ်းမကဲဖို့မှာလေသည်။ ဟုတ်ပါတယ် ခက်က သူစိမ်းတွေနဲ့သာ အနေအေးပြီး စကားနည်းတာ သူငယ်ချင်းတွေနဲ့ဆို စိတ်ဆိုး စိတ်ကောက်ကလည်းလွယ်၊ ချွဲလည်းချွဲ၊ စကားလဲ မဆိုစလောက်ကလေးများလေသည်။ တကယ်မဆိုစလောက်လေး။ သေးသေးပုစိနောက်တောက်လေး စကားများတတ်သူလေးပေါ့။
2012 က သင်္ကြန်ငါးရက်ဆိုတော့ ဂနိုင်တို့ မင်းခန့်တို့အကြိုက်ပေါ့။ အကြိုနေ့တစ်ရက်မလည်ဖြစ်တော့ ၄ ရက်ကျန်သေးတာပေါ့လေ။ ခက်ကတော့ သူတို့ကိုလိုက်ထိန်းရမည်ကို တွေးကာ ရင်လေးနေမိသည်။ ခက်ရဲ့မေမေကတော့ အကြိုနေ့ညနေကတည်းက တရားစခန်း၀င်သွားပြီ။
ခက်တို့လေးယောက်ကတော့ ကျန်တဲ့လေးရက်လုံး လည်ကြမယ်ပေါ့။ ခက်ဖေဖေကကားနဲ့လည်ပေးမယ် ပြောတာကို မင်းခန့်တို့က မလွတ်လပ်လို့ဆိုပြီး ကိုယ့်ဆိုင်ကယ်နဲ့ကို အနောက်ဘက်ကျုံးကို တိုးမယ်တဲ့။ သို့နှင့် လေးယောက်သား ဆိုင်ကယ်နှစ်စီးနဲ့ အနောက်ဘက်ကျုံးကို ထွက်လာကြလေသည်။
တကယ်တော့ စိတ်ကူးရတာသာ လွယ်တာ လက်တွေ့ကခက်တယ်။ အနောက်ကျုံးကိုဆိုင်ကယ်နဲ့တိုးမယ်ဆိုတဲ့ မင်းခန့်တို့ တကယ်တမ်း တိုးကြည့်တော့ ထင်သလောက်မလွယ်။ မန္တလေးသင်္ကြန်ကတော့ အကြိုနေ့တောင် လူကကြပ်နေတာ အကျနေ့ဆိုတော့ပိုဆိုး ။ အတက်နေ့ကတော့ လူအကြပ်ဆုံး ။
သူတို့ အိမ်ကစထွက်တဲ့အချိန်ကလည်း မနက် ၉ နာရီဆိုတော့ တိုးမပေါက်တာမဆန်း။ မနက် ၆ နာရီလောက်ကတည်းက တိုးထားမှ ရှေ့ကနေရာရမည်လေ။ လူတွေကလည်း ဒီလိုအချိန်ဆို သိပ်သိပ်ပြီး ၀ီရိယရှိကြတာပဲ။
YOU ARE READING
Let Me Start Again [Completed]
RomanceStart Date>>>> 1.4.2020 End>>>20.5.2020 ကိုယ့်ဘက်က အချစ်တွေပေးခဲ့လည်း ပြန်ရခဲ့တာက နာကျင်မှုတွေတဲ့လား မင်းအမုန်းတွေကိုထပ်ပြီးမခံစားနိုင်တော့လို့ ငါထွက်ပြေးပါရစေ 'ခက်ထန်' ငါအရမ်းမုန်းနေတုန်းက တွယ်ကပ်နေပြီး အခုကျထွက်ပြေးတော့မလို့လား အရင်ကမှားခဲ့တာတွ...