Unicode
ဟန်နီ ဒေါသထွက်လွန်း၍ စစ်တစ်ယောက်များ သူ့ကို ကူပြောပေးလိုပေးငြား စစ်ကိုကြည့်လိုက်လေသည်။
သို့သော်လည်း စစ်ရဲ့အာရုံက သူတို့ဆီမှာရှိမနေ။ ခက်အတွက် ပုစွန်ခေါင်းတွေကိုသာ သေသေချာချာခွာပေးနေတယ်။ ခက်က ပင်လယ်စာကြိုက်တယ်ဆိုပေမယ့် ပုစွန်ခေါင်းကိုတော့ မစားရဲဘူးလေ။" ခက် ထမင်းပဲစားမနေနဲ့ ပုစွန်လဲစားအုံး ။ ဒီမှာ မင်းအတွက် ပုစွန်တွေ အခွံခွာပေးထားတယ် "
ဟုဆိုကာ ခက်ရဲ့ဇွန်းထဲကို ပုစွန်တစ်ကောင်ထည့်ပေးလိုက်တယ်။ ဟန်နီ့မျက်နှာကြီးကတော့ တစ်ယောက်ထဲကွက်ပြီး မိုးချုပ်လို့။( အခုဟာက ဟန်နီက သူ့ရည်းစားလား ခက်က သူ့ရည်းစားလား မသဲကွဲဘူး ။ ခက်ကိုပဲဂရုစိုက်နေတာများ သူ့ရည်းစားကျနေတာပဲ။ ဒီကောင် သူ့စိတ်ကိုသူမသိဘူးလား ။ ဘယ်သူငယ်ချင်းက အခုလိုကြီး ပုစွန်တွေ ခေါင်းဖြုတ်ပြီး အခွံခွာကျွေးလို့တုန်း ။ ဘေးလူဖြစ်တဲ့ငါတို့တောင် ဟန်နီနဲ့ခက် ယှဥ်လိုက်ရင် ဒီကောင် ဘယ်သူ့ကို ပိုအလေးပေးလဲဆိုတာ သိတယ်။ ဒါပေမယ့် မပြောရဲဘူး ။ တော်ကြာ သူ့ရဲ့ gay မုန်းပါတယ်ဆိုတဲ့ ဓါတ်ပြားဟောင်းကြီးပြန်ဖွင့်ပြီး ခက်ကို ကြက်ဟင်းခါးသီးစားပြီး စိမ်းစိမ်းကြီးနဲ့ ကားသွားရင် ငါတို့ဖြူလုံးလေးပဲ စိတ်မကောင်းဖြစ်ရမှာ *)
ဆိုသောအတွေးကိုတော့ သက်နွယ်၊ ဂနိုင်နဲ့ မင်းခန့်တို့ မတိုင်ပင်ရပါပဲ တူတူတွေးမိကြလေသည်။ အပြင်ကိုတော့ ထုတ်မပြောကြ။ဟန်နီတစ်ယောက်ကတော့ ခက်ကို သူ့ထက်ပိုပြီး အရေးပေးနေတာတွေ့တော့ မနာလိုစိတ်တွေ၀င်ကာ ...
" ကိုကိုက ကိုကို့သူငယ်ချင်းကိုပဲ ဂရုစိုက်နေတာပဲ။ ဟန်နီ့ကိုတော့ ရှိတယ်လို့တောင် မသတ်မှတ်ဘူး ။ ခက်ကိုများ ကိုကိုက အင့် " ဟန်နီ စကားကိုတောင် ဆုံးအောင်မပြောလိုက်ရ။ သက်နွယ်က ဟန်နီ့ပါးစပ်ထဲကို တစ်ခုခုလှမ်းထည့်လိုက်တာလေ။
( ဒီကောင်မကတော့ ငါတို့တောင် အပြင်ထုတ်မပြောပါဘူးဆို တော်တော်အတင့်ရဲနေတာပဲ။ တော်သေးတယ် ဟိုက ပုစွန်နဲ့အလုပ်ရှုပ်နေလို့ သူပြောတာ
မကြားဘူး * )
YOU ARE READING
Let Me Start Again [Completed]
RomanceStart Date>>>> 1.4.2020 End>>>20.5.2020 ကိုယ့်ဘက်က အချစ်တွေပေးခဲ့လည်း ပြန်ရခဲ့တာက နာကျင်မှုတွေတဲ့လား မင်းအမုန်းတွေကိုထပ်ပြီးမခံစားနိုင်တော့လို့ ငါထွက်ပြေးပါရစေ 'ခက်ထန်' ငါအရမ်းမုန်းနေတုန်းက တွယ်ကပ်နေပြီး အခုကျထွက်ပြေးတော့မလို့လား အရင်ကမှားခဲ့တာတွ...