Unicode
" မင်းခန့် ဘာတွေတွေးနေတာလဲ ? သွားကြမယ်လေ "
ဟုဆိုကာ တစ်ယောက်သောသူ၏ လက်ကိုဆွဲကာ ရှေ့မှထွက်သွားလေသည်။ သေချာပေါက် သူလက်ဆွဲသွားတဲ့လူက ဟန်နီနိုင်တော့မဟုတ်ဘူးပေါ့ :)ဒါပေါ့။ လက်ဆွဲခံလိုက်ရတဲ့သူက ခက်ပါ။ စစ် စရောက်ကတည်းက ကိုယ်လုံးသေးသေးလေးနဲ့ လူအုပ်ကြားထဲ တိုးတိုးပြီး ကနေတဲ့ ခက်ကိုကြည့်ပြီး အူတွေယားနေတာ။ အစကတော့ ခက်က သင်္ကြန်ကို သူငယ်ချင်းတွေနဲ့ တစ်ခါမှမလည်ဖူးတာမလို့ သူလူမှားတယ်ပဲထင်နေတာ။ လူတွေတိုးပြီး အနားထိသွားကြည့်တော့မှ ခက်မှန်းသိရတာ။ ဘေးမှာမင်းခန့်တို့ကိုပါ မြင်ရတော့ ပိုသေချာသွားတာပေါ့။
အသားဖြူလွန်းပြီး နေဒဏ်ကြောင့် နီရဲနေတဲ့ ပါးလေးတွေ ရေဒဏ်ကြောင့် ချမ်းလို့တုန်နေတဲ့နှုတ်ခမ်းလေးတွေက မြင်ရတဲ့သူတိုင်း မျက်စိမလွှဲနိုင်အောင်ကို လှပရက်လွန်းသည်။ နောက်တော့ မင်းခန့်ရော ခက်ရဲ့သူငယ်ချင်းတွေပါ ဟန်နီ့ကို မခင်ချင်ကြဘူးထင်ပါရဲ့။ ချက်ချင်းကိုပဲ ရှောင်ထွက်သွားကြတယ်။
မင်းခန့်ကပါ နေ့လည်စာသွားစားမလို့ မင်းတို့ဆက်ကကြလို့ ပြောတုန်းက သူတို့ကိုပါနေ့လည်စာအတူစားဖို့မခေါ်ချင်မှန်းရိပ်မိပါတယ်။ ဒါပေမယ့် ဟန်နီက အလိုက်ကမ်းဆိုးမသိစွာ သူပါလိုက်ချင်တယ်ပြောတော့ မင်းခန့် မျက်နှာပျက်သွားတာလည်း သူမြင်လိုက်တယ်။ စစ်ကိုယ်တိုင်ကလည်း ခက်နဲ့ မတွေ့တာကြာပြီဖြစ်တာကြောင့်ရော ဘာလို့မှန်းမသိ ခက်ကို မင်းခန့်တို့နဲ့ သီးသန့်ကြီး တွဲမတွေ့ချင်တာကြောင့်ပါပေါင်းပြီး လိုက်မယ်ဟုပြောကာ ခက်ရဲ့လက်ကိုဆွဲပြီး ထွက်လာခဲ့လိုက်သည်။ သူသာခက်ကိုဆွဲပြီးအရင်ထွက်မလာရင် မင်းခန့်က ခက်ရဲ့လက်ကိုဆွဲပြီး ထွက်လာတော့မှာ။
စစ်တို့ထွက်သွားတော့ ဟန်နီက မတ်တပ်ကြီးမေ့ပြီး ကျန်နေခဲ့သည်။
( အခု ကိုကိုက ငါ့ကိုထားခဲ့ပြီး ခက်ထန်ရဲ့လက်ကို ဆွဲပြီး ထွက်သွားတာလား * )
မင်းခန့်ကလည်း ၀တ်ကျေတန်းကျေအနေနဲ့
" ဟန်နီနိုင် မင်းမလိုက်ချင်လည်း ဒီမှာတစ်ယောက်ထဲနေခဲ့ပြီး ဆက်ကနေလို့ ရသေးတယ်နော်။ ငါတို့ကတော့ သွားပြီ "
ဟုဆိုတော့ ...
" ခဏလေး ခဏလေး ငါရောလိုက်မယ် "
( အံမယ် ငါတဲ့ စစ်ရဲ့ရှေ့မှာကျတော့ သူ့ကိုယ်သူ ဟန်နီ ဟန်နီနဲ့ ကြားရတဲ့သူတွေရဲ့နားကို ရုံးပတီသီးတွေ ဂေါ်ရခါးသီးတွေနဲ့ ပွတ်နေတယ်လို့ ခံစားရလောက်အောင်ကို ချွဲပျစ်တဲ့အသံကြီးနဲ့ ပြောနေပြီးတော့ ကွယ်ရာရောက်တော့ ငါတဲ့။ မင်းသမီးခေါင်း no no သူက မင်းသမီးနေရာနဲ့မတန်ဘူး အရူးခေါင်းဆောင်းထားတဲ့ ဘီလူးမ * )
YOU ARE READING
Let Me Start Again [Completed]
RomanceStart Date>>>> 1.4.2020 End>>>20.5.2020 ကိုယ့်ဘက်က အချစ်တွေပေးခဲ့လည်း ပြန်ရခဲ့တာက နာကျင်မှုတွေတဲ့လား မင်းအမုန်းတွေကိုထပ်ပြီးမခံစားနိုင်တော့လို့ ငါထွက်ပြေးပါရစေ 'ခက်ထန်' ငါအရမ်းမုန်းနေတုန်းက တွယ်ကပ်နေပြီး အခုကျထွက်ပြေးတော့မလို့လား အရင်ကမှားခဲ့တာတွ...