"ဘုန်း!....."
ကျယ်လောင်လှသောအသံတစ်ခုသည်မနက်ခင်း၏တိတ်ဆိတ်ခြင်းကိုဖြိုခွဲလိုက်လေသည်။
"အ့..အမေ့..အ့..သေ.ပါ.ပြီ.ဟ"
ထိုအသံနှင့်အတူတစ်ဆက်တည်းထွက်လာသောငြီးတွားသံလေးကြောင့်မီးဖိုခန်းမှအမျိုးသမီးတစ်ဦးသည် ခေါင်းလေးခါရင်း နှစ်ခြိုက်စွာပြုံးလိုက်သည်။
"အင်း..ရောင်ရောင်လေးမှဟုတ်ရဲ့လားဟေ့!?..ဒီလှေကားကြီးကို ဆင်းလိုက်တက်လိုက်လုပ်လာတာပဲ ရောင့်တစ်သက်ရှိနေပြီကွယ်..ခုထိပြုတ်ကျနေတုန်းလားမား သားလေးရ"
သူ(မ)ကဂရုဏာသံလေးနှင့် ရွှတ်နောက်နောက်လေးပြောတော့"မားကလည်း လှေကားတွေကရောင့်ကို ခလုတ်တိုက်အောင် တမင်လုပ်တာ။အယ့်လှေကားတွေအပြစ်" ဟူသောပွစိပွစိမကျေနပ်သံလေး ထွက်လာလေသည်။
"ဟား..ဟား..ဟုတ်ပါပြီရှင်..ခုကျောင်းသွားတော့မယ်မလား..ရော့ထမင်းဘူး.."
ပြောရင်း မီးဖိုခန်းထဲကထွက်လာပြီး သားငယ်ဖြစ်သူ လက်ထဲသို့ထမင်းဘူးလေးထည့်ပေးလိုက်သည်။
"ရောင်ရေပြီးပြီးလားဟေ့"
ထိုအချိန် နောက်ထပ်အသံဆာဆာလေးတစ်ခု ထပ်ထွက်လာပြန်သည်။ထိုအသံလေးကတော့ ရောင့်အမဖြစ်သူကြယ်စင်၏အသံပင်။
"ပြီးပြီမမ"
လရောင်တစ်ယောက် လူမမြင်ရသေးခင်အသံအရင်လာသော
အမဖြစ်သူကို ပြန်ဖြေရင်းမိခင်နားသို့အပြေးလေးကပ်သွားကာ"မားတာ့တာ..အာဘွားပေးဦးမယ်..မွ..မွ"
ကလေးဆန်သောသူ့အပြုအမူလေးအတိုင်း ကပ်ချွဲလိုက်သည်။
"ပါးအိပ်ပုတ်နဲ့ကိုကိုကျောင်းပြေးကိုတော့ရောင်လေထဲကပဲပေးလိုက်တော့မယ်နော် ဟီး.."
မိခင်ကို အာဘွားပေးရင်း အိပ်ရာမှ မထသေးသောအကိုနှင့်အဖေကိုလည်း နှုတ်ဆက်ရန်မမေ့။
"ဟုတ်ပါပြီရှင်။ပါပါးနဲ့ကိုကိုနိုးလာရင်မားကတစ်ဆင့်ပေးလိုက်ပါ့မယ်တော်။ဪဒါနဲ့ ကျောင်းမှာထပ်ချော်မလဲစေနဲ့ဦးနော်!!"
YOU ARE READING
💓ချစ်ရပါသောရှပ်ပြာလေး💓 (Completed)
Romanceမတော်တဆ၁ခုကြောင့်တာဝန်ယူမူဖြစ်လာသောအခါ..အချစ်မပါဘဲလက်ထပ်လိုက်ရသောအခါ..ပျော်ရွှင်ရပါ့မလား...အချစ်စစ်ကိုရနိုင်ပါ့မလား....သူ့နှလုံးသားလေးထဲမှာကို့အတွက်နေရာလေး၁ခုရှိပါ့မလား မေတာ္တဆ၁ခုေၾကာင့္တာဝန္ယူမူျဖစ္လာေသာအခါ..အခ်စ္မပါဘဲလက္ထပ္လိုက္ရေသ...