"လရောင်ကိုယ်အလုပ်သွားတော့မယ်နော်"
"ဟုတ်"
မနက်စောစော အလုပ်သွားခါနီး အရဲစွန့်ကာ ထိုကလေးငယ်၏အခန်းလေးထဲသွား၍နှုတ်ဆက်တော့ အိပ်ရာထကာစမို့ ပွယောင်းယောင်းလေးဖြစ်နေသော ကောင်လေးသည်ပြုံးလျှက်ပြန်ဖြေလာလေသည်။
ပြုံးပြလာပါသောကလေးငယ်လေးသည်စိတ်ဆိုးပြေပြီထင်ပါရဲ့။ မျက်နှာလေးကိုအကဲခတ်ကြည့်တော့လည်း အနည်းငယ်ဖောင်းအစ်နေပေမဲ့ ကြည်လင်လို့နေသည်။
"ဟို...ကိုယ့်ကိုစိတ်မဆိုးတော့ဘူးမလား"
"......"
"လရောင်?"
"စိတ်ဆိုးတယ် ဆိုတာကျွန်တော်နဲ့ကိုနေယံ ကြားမှာမရှိဘူးလေ။ စိတ်ဆိုးတယ်ဆိုတာချစ်သူရည်းစားတွေလုပ်တဲ့အလုပ်။ ကျွန်တော်တို့အလုပ်မဟုတ်ပါဘူး။အယ့်တာကြောင့် ကျွန်တော်ဘယ်တုန်းကမှစိတ်မဆိုးခဲ့ဖူးဘူး ဟုတ်ပြီလား။ စိတ်မကောင်းဖြစ်ရုံပဲ"
"အင်းပါ။ လရောင်ပြောတာမှန်ပါတယ်။ ကိုယ်သွားပြီနော်"
မျက်နှာတော်လေးကို အကဲခတ်ကာ ထပ်နှုတ်ဆက်တော့ ပြုံးပြခေါင်းညိတ်လာသည်။ အရင်လိုတွတ်တီးတွတ်တာလေးတွေမပြောတော့ပေမဲ့ နဲနဲတော့ပြန်ပြုံးလာခဲ့သည်မို့ နေယံနဲနဲစိတ်သက်သာရာရသွားသလို ရင်ထဲချောင်ကျသွားရသည်။
နေယံထွက်သွားပြီးမကြာမီပင် လရောင်ထံဝင်လာသောဖုန်းတစ်ခု။ ထိုဖုန်းကတော့တခြားသူမဟုတ် မင်းဝသုန်ထံမှဖုန်းပင်။
"ဟယ်လိုဗိုက်"
ဖုန်းကိုင်လိုက်တာနဲ့ မဝံ့မရဲ ခေါ်သံသြရှရှကထွက်လာလေသည်။
"အင်း ပြော"
"ဒီနေ့အိမ်လာလည်လို့ရလား"
"အင်း ရပါတယ်"
"ဟုတ်ပြီ။ နေ့လည်လာခဲ့မယ်နော်"
"အင်း"
"ဘာစားချင်လဲဗိုက်"
"ဘာမှမစားချင်ပါဘူး"
"အင်းပါနေ့လည် လာခဲ့မယ်နော်။"
"အင်း"
YOU ARE READING
💓ချစ်ရပါသောရှပ်ပြာလေး💓 (Completed)
Romanceမတော်တဆ၁ခုကြောင့်တာဝန်ယူမူဖြစ်လာသောအခါ..အချစ်မပါဘဲလက်ထပ်လိုက်ရသောအခါ..ပျော်ရွှင်ရပါ့မလား...အချစ်စစ်ကိုရနိုင်ပါ့မလား....သူ့နှလုံးသားလေးထဲမှာကို့အတွက်နေရာလေး၁ခုရှိပါ့မလား မေတာ္တဆ၁ခုေၾကာင့္တာဝန္ယူမူျဖစ္လာေသာအခါ..အခ်စ္မပါဘဲလက္ထပ္လိုက္ရေသ...