"အယ်အမြွှာလေးတို့အဖေကချစ်ဖို့ကောင်းလိုက်တာ"
"ဟုတ်ပါ့နော်ကလေးတွေနဲ့တပုံစံတည်းပဲ"
"ဟုတ်ပါ့။ ပါးချိုင့်လေးတွေကအစနော်"
"ဟီးဟီး နေတောင်မနေတက်တော့ပါဘူးဗျာ။ အမတို့ကလည်းမြှောက်နေပြန်ပါပြီ"
"အို တကယ်ပါဆိုကွယ်"
"ဟီး"
တစ်ယောက်တစ်ပေါက်နှင့် တွတ်တွတ်တွတ်တွတ်ထွက်နေသော ဤအသံလေးတွေကား ယံလေးနှင့်ရောင်လေးတို့၏ မူကြို မိဘဆရာအစည်းအဝေးတွင်ဖြစ်သည်။ ဆွေးနွေးပွဲအပြီး ဆရာ ဆရာမတွေ အတန်းပြန်ဝင်သွားတုန်း ကျန်နေခဲ့သော ကလေးအမေအဒေါ်ကြီးတွေကြားထိုင်နေရင်း လရောင်တယောက် ရယ်ကျဲကျဲလေးနှင့် မြောက်ပင့်သမျှကို ပီတိတဖြာဖြာနဲ့နားထောင်နေခြင်းပင်။
ဤသည်ကို အခန်းထောင့်မှနေ ရှူတည်တည်နှင့် စူးစိုက်ကြည့်နေတာကတော့ နေယံပင်။ ကလေးတွေကျောင်းစထားပါပြီဆိုကတည်းက ထိုကလေးအဖေလေးသည် ဆရာမတွေ မိဘတွေကြား သိပ်ဆန်းပွင့်သည်။ ထိုသို့စန်းပွင့်နေတော့ မနေနိုင်တဲ့သူကပါ နောက်ကနေ လင်ယောကျာ်းဆိုတဲ့ ဂုဏ်ကိုပြ၍ ကောက်ကောက်ပါအောင်လျှောက်လိုက်ရသည်လေ။
သူသဝန်တိုသည်။ ဘယ်လိုပဲ ကလေးအမေတွေဖြစ်ပါစေဦးတော့ သူ့ကလေးလေးအနားမှာ ခြင်မ၊ ယင်မသန်းရင်တောင်သူကကြိုက်တာမဟုတ်။ ခုဟာက အလုံးလိုက်အကောင်လိုက်အမျိုးသမီးကြီးတွေဆိုတော့ သူပိုသဝန်တိုရသည်။
ဒါကိုကလေးလေးကမသိ ပါးချိုင့်လှလှလေးတွေကိုဂုဏ်ဖော်လို့ ပြုံးပြလိုက်ရီပြလိုက်လုပ်နေလေရဲ့။
မဖြစ် ထိုကလေးလေးကိုအိမ်ပြန်ခေါ်သွားတော့မှပါလေ။
ထိုသို့တွေးမိပြန်တော့လည်း မိန်းမတွေတရုံးရုံးကြားထဲ သူမသွားချင်။ ထို့ကြောင့်ဘယ်လိုခေါ်ထုတ်ရမလဲ အကြံထုတ်ရပြန်၏။
--------------------------------
"တောင်"
လရောင် သားသားသူငယ်ချင်းအမေတွေနှင့်စကားပြောနေတုန်း ဖုန်းကMessageဝင်လာတာကြောင့် ကြည့်မိတော့ နေယံ့ဆီမှ။
YOU ARE READING
💓ချစ်ရပါသောရှပ်ပြာလေး💓 (Completed)
Romanceမတော်တဆ၁ခုကြောင့်တာဝန်ယူမူဖြစ်လာသောအခါ..အချစ်မပါဘဲလက်ထပ်လိုက်ရသောအခါ..ပျော်ရွှင်ရပါ့မလား...အချစ်စစ်ကိုရနိုင်ပါ့မလား....သူ့နှလုံးသားလေးထဲမှာကို့အတွက်နေရာလေး၁ခုရှိပါ့မလား မေတာ္တဆ၁ခုေၾကာင့္တာဝန္ယူမူျဖစ္လာေသာအခါ..အခ်စ္မပါဘဲလက္ထပ္လိုက္ရေသ...
