"ရောင်လေး! လရောင်ရေ! ကလေးရေ"
နေယံ မနေ့က ခေါင်းတွေလေးလာတာကြောင့်နှစ်ခြိုက်စွာအိပ်ပျော်သွားမိတာ နောက်တစ်နေ့မနက်မိုးလင်းသည်အထိပင်။ နိုးလာတော့ မျက်လုံးနှစ်လုံးပွင့်ကတည်းကက ကြင်နာရသူလေး၏ ချစ်မျက်နှာလေးကိုမမြင်ရတာမို့ ရင်ထဲရတက်ကမအေးနိုင်။ ထိုကလေး မပြောမဆိုနဲ့ဘယ်များသွားတာလဲလေ။
"တူ တူ.."
အိမ်ထဲလှည့်ပတ်ကြည့်ကာ ရှာနေတုန်း ဖုန်းထဲမှ Messageသံလေးကြားမိ၍ ကြည့်လိုက်တော့ ကလေးလေးပို့သည့်messageလေးမို့ အလျင်အမြန်ဖွင့်ကြည့်မိသည်။
'မင်းဝသုန်တို့အိမ်မှာ'
တိုတုတ်လှသော ထိုစာတိုလေးတစ်စောင်ကြောင့် ရင်ထဲပူလောင်ခြင်းကလှိုက်ကနဲ။
"မင်းဝသုန်တို့အိမ်ကိုဘာကိစ္စလဲ?"
တစ်ယောက်တည်း မေးခွန်းထုတ်ကာ ကျုံးဝါးလိုက်ရင်း အဝတ်အစားပင် မလဲနိုင် ကားသော့ဆွဲကာ မင်းဝသုန်တို့အိမ်ဘက်သို့ ချက်ချင်းထွက်ခဲ့သည်။ ကလေးငယ်ဟာ ဘာကြောင့်များ ထိုအန္တရာယ်ကောင်ရဲ့အိမ်ကို တစ်ယောက်ထဲသွားရဲရပါသလဲလေ။
"တီ တီ...!!"
နေယံ မင်းဝသုန်တို့အိမ်ရှေ့ရောက်တော့ ဟွန်းကိုတရစပ်တီးကာ အလောတကြီးဖြစ်နေမိသည်။ အိမ်ရှေ့ရောက်နေသည့်တိုင် ချစ်ရသူကလေးငယ်ကို ပြန်ခေါ်ရန်လောနေသလို အိမ်ထဲမှကောင်ငယ်လေးမှာလည်း ယောက်ယက်ခက်နေခဲ့သည်။
"သုန်သုန် ကိုကိုရောက်လာပြီထင်တယ်။ ငါ ငါကြောက်တယ်။ ငါလုပ်နိုင်ပါ့မလား?ဟင်?ငါ ငါ..."
"ရှူး!!စိတ်ကိုအေးအေးထားလေ။ သေချာစဥ်းစား။ ခုချိန်မှာ မင်းဆုံးဖြတ်ချက်ကိုပြင်လို့ရသေးတယ်လရောင်။ မင်းသူနဲ့ပြန်လိုက်သွားလို့ရသေးတယ်။ အချိန်မှီသေးတယ်။ မင်းသူ့ကိုအဆုံးရှုံးမခံနိုင်ဘူးမလား?"
သူပြောတော့ ထိုကောင်ငယ်လေး၏ မျက်လုံးလေးတွေသည် ဂဏာမငြိမ်။ အရူးမျက်လုံးလေးတွေသဖွယ်။
YOU ARE READING
💓ချစ်ရပါသောရှပ်ပြာလေး💓 (Completed)
Romanceမတော်တဆ၁ခုကြောင့်တာဝန်ယူမူဖြစ်လာသောအခါ..အချစ်မပါဘဲလက်ထပ်လိုက်ရသောအခါ..ပျော်ရွှင်ရပါ့မလား...အချစ်စစ်ကိုရနိုင်ပါ့မလား....သူ့နှလုံးသားလေးထဲမှာကို့အတွက်နေရာလေး၁ခုရှိပါ့မလား မေတာ္တဆ၁ခုေၾကာင့္တာဝန္ယူမူျဖစ္လာေသာအခါ..အခ်စ္မပါဘဲလက္ထပ္လိုက္ရေသ...