"ပေါက်စပြန်ရောက်ပြီလား။နောက်ကျတယ်နော်"
နေယံတစ်ယောက် အခန်းထဲခေါက်တုန့်ခေါက်ပြန်လျှောက်ကာမျှော်မိရင်း ပြန်လာသူလေးကိုကြိုဆိုမိသည့်လေသံကခပ်ဆတ်ဆတ်သာ
"၆နာရီလေ"
"အေးပါ ထားပါတော့။ ပြောစရာရှိတယ်"
"ပြောပါဗျ"
"အမယ် ယဥ်ကျေးနေပါလား"
"ဟီး...."
မျက်လုံးလေးများ မှိတ်သည်အထိ ရယ်ပြလာတော့ ပါးချိုင့်လေးများထွက်လာကာ ဒီရင်ကိုတုန်ခါစေပြန်သည်။ ထိုအခါပြောရမည့်စကားတို့ကတုံ့ကနဲ။
"ပြောစရာရှိတယ်ဆို"
"အင်း...အယ့်တာ"
သူပြောလာမည့်စကားကိုစောင့်လင့်နေဟန် မျက်လုံးလေးတွေဝိုင်းလို့။
"ငါ့ကို ရိုစ့်ကလက်ထပ်ချင်လို့တဲ့"
သူပြောလိုက်တော့လည်း ငြိမ်လျက်သာပင် မျက်လုံးလေးကလယ်ကလယ်နှင့်နားထောင်နေပြန်သည်။
"အယ့်တာမင်း"
"ဝှါး..! ကိုနေယံမိုက်တယ်ဗျား။ congratulations!ခဗျားတော့ပျော်နေတော့မှာပဲ။ ဘယ်လိုလဲ ဘယ်လိုလဲ?လက်ထပ်ခွင့်တောင်းခဲ့ပြီလား။ roကောroရဲ့လား။ မိန်းကလေးတွေက Ro မှကြိုက်တာနော်"
နေယံ့စကားမဆုံးခင် ရွှင်ပြကာ လက်ခုတ်လက်ဝါးတီးလျှက်ပြောလာသူလေးကြောင့်နေယံ့စိတ်ထဲ ဘဝင်မကျလှ။သူဘယ်လိုမှမနေဘူးလားလေ?
"မင်း မင်းတကယ်ဘယ်လိုမှမနေဘူးလား"
မနေနိုင်စွာ ထုတ်မေးမိသည့်ထိုစကားက ထစ်ငေါ့စွာ
"ဘာကိုလဲ"
အမေးကိုအမေးနှင့်တုန့်ပြန်လာသူလေးက ပဂတိအဖြူထည်လေးတစ်ယောက်လို
"ငါလက်ထပ်တော့မှာကိုလေ။ မင်းခွင့်ပြုတယ်လား"
"ခွင့်မပြုရအောင်ရောင်ကဘာမို့လို့လဲ? ပြီးတော့ရောင့်ကို အားနာနေစရာမလိုပါဘူး။ ကိုနေယံနဲ့ရောင်နဲ့က ကလေးမွေးပြီးရင် ကလေးတွေရဲ့ဖခင်ဆိုတာကလွဲပြီးဘာမှသက်ဆိုင်တော့တာမှမဟုတ်တာ။ ပြီးတော့ရောင်တို့ကချစ်နေကြတာမှမဟုတ်တာ။ အယ့်တာကြောင့်ရောင့်ကိုအားမနာနဲ့! ဟုတ်ပြီလား"
YOU ARE READING
💓ချစ်ရပါသောရှပ်ပြာလေး💓 (Completed)
Romanceမတော်တဆ၁ခုကြောင့်တာဝန်ယူမူဖြစ်လာသောအခါ..အချစ်မပါဘဲလက်ထပ်လိုက်ရသောအခါ..ပျော်ရွှင်ရပါ့မလား...အချစ်စစ်ကိုရနိုင်ပါ့မလား....သူ့နှလုံးသားလေးထဲမှာကို့အတွက်နေရာလေး၁ခုရှိပါ့မလား မေတာ္တဆ၁ခုေၾကာင့္တာဝန္ယူမူျဖစ္လာေသာအခါ..အခ်စ္မပါဘဲလက္ထပ္လိုက္ရေသ...