Amidst of Service (Completed)

CHAPTER 13: Photoshoot

Thea's POV

The Christmas went by and we didn't have much time with each other. It was hard for me to not tell him about the warning but I maintained to keep it from him.

Mabilis din naman na lumipas ang mga araw pagkatapos ng Pasko. Nagpunta rin si Kyle sa probinsya nila sa Nueva Ecija dahil do'n sila nag-celebrate ng Bagong Taon.

Walang araw na hindi kami magkausap sa phone ni Kyle. Madalas na napapansin ni Mama na lagi akong nasa kwarto buong Christmas break pero 'di ko pinapansin ang mga sinasabi niya.

Noong first monthsary namin ay buong araw lang kami magkausap sa call kaya masaya na ako kahit 'di kami magkasama.

Tapos noong Bagong Taon naman ay 'di ko rin siya nakasama. Naintindihan ko naman dahil alam kong oras niya 'yon para sa pamilya.

"Happy New Year, Mahal," malambing na sabi niya mula sa kabilang linya ng cellphone.

"Happy New Year."

"Ang wish ko ngayong bagong taon ay magkaroon pa tayo ng maraming memories together," masayang sabi niya. Napakagat naman ako ng labi dahil 'di ko malaman na dahilan.

Masyado siguro akong nag-aalala sa pwedeng mangyari sa amin.

Huminga ako nang malalim. "Ako rin, Mahal. Hindi ako magsasawa na mahalin ka."

*****

Pagkatapos ng New Year ay ilang araw lang magsisimula na ulit ang klase namin. Konting buwan na lang ay gagraduate na kami.

Mabilis na lumipas ang mga araw dahil nakauwi na rin si Kyle mula sa probinsya pero dahil 'di pa nakabalik sa trabaho si Mama ay palagi siyang nandito sa bahay kaya hindi ako makatakas.

Hinintay nalang namin na magstart ulit ang klase. Maaga naman nagpunta sa bahay sila Kath at Loreen para sabayan ako pumasok. Mabuti na lang ay nakaligo na ako nang dumating sila.

Nag-aayos na ako ng sarili habang nakikipagkwentuhan sa kanila.

"So, you mean alam na ng Head ninyo?" Gulat na tanong ni Kath.

Tumango naman ako. "At wag na sana dumating sa point na malaman ni mama."

"Basta kami ni Loreen tahimik lang kami."

"Alam ko naman 'yun. Tara na," aya ko sa kanila pagkatapos ko magpabango.

Lumabas na kami ng kwarto at sabay sabay na naglakad papunta sa school. Mga ilang minuto rin kaming naglakad at nagkwentuhan pa. Na-miss ko rin kasi na makasama sila kaya sinulit ko na.

Pagkarating namin sa classroom ay napatakip ako ng bibig at nagliwanag ang mga mata ko nang makita ko siya. Nagmadali akong tumakbo palapit sa kanya.

Yung takbo na talagang excited na makita siya. Ipinulupot ko ang kamay ko sa katawan niya at mahigpit siyang niyakap.

"Na-miss kita," malambing na sabi ko habang yakap pa rin siya.

Narining ko naman ang mahina nyang pagtawa. "Namiss din kita, Mi Amore."

Makalipas ang ilang minuto ay bumitaw na siya at saka may kinuha sa bag. Inilabas niya ang isang manipis at pa-rectangle na shape at nakabalot na parang regalo.

Inabot niya sa akin iyon at sinabing, "Maya buksan natin."

Ngumiti naman ako nang malapad. "Thank you!"

Nagpaalam na siya pagkatapos niyang maibigay 'yon sa akin. Nagsimula na rin ang klase namin pagkalipas ng ilang minuto after niya umalis.

Hindi ko naman namalayan ang oras nang bigla nalang nagsitayuan ang mga kaklase ko. Tiningnan ko ang phone ko at narealize na oras na pala ng break time.