မိမိရှေ့မှ မြင်ကွင်းကိုကြည့်ပြီး အိမ့်မြတ်တစ်ယောက် လက်သီးကိုတင်းတင်းဆုပ်ကာ အံကြိတ်လိုက်မိသည်။ ဒါဘယ်လိုတွေ ခွေးဇာတ်ခင်းနေကြတာပါလိမ့်။ မိမိစိတ်ကောက်နေသည်ကို တစ်ပတ်လုံးလုံးဖုန်းမဆက် message တစ်စောင်တောင်မပို့ဘဲ နေနေသူ မိမိချစ်သူဆိုသူက သူ့ရည်းစားဟောင်းကကိုကျ လူမြင်ကွင်းမရှောင် ဖက်ထားတယ်တဲ့လေ။
မြူနှင်း သည် အိမ့်မြတ်ကိုတွေ့သွားပြီး ဟိန်းမြတ်ရင်ခွင်ထဲမှ ထွက်လိုက်သည်။ အိမ့်မြတ် အထင်လွဲသွားလောက်ပြီ။ ကိုယ်က သူ့အမြင်မှာ စနိုက်ကြော်မဖြစ်နေပြီလားမသိ။ တောင်းပန်ပါတယ် အိမ့်မြတ်ရယ်။ နင်ထင်နေသလိုမျိုး မဟုတ်ဘူးဟ။
"တော်တော်လေး အရှက်မရှိဘူးနော်၊ ဟိန်းမြတ်သူ"
အိမ့်မြတ် အကြည့်များမှာ မီးဝင်းဝင်းတောက်လျက်ရှိသည်။
ဟိန်းမြတ်ထံမှ ဘာစကားမှထွက်မလာဘဲ တိတ်ဆိတ်နေသည်။
"နင်ထင်နေသလိုမျိုး မဟုတ်ပါဘူး ။ အိမ့်မြတ် "
ဟု မြူနှင်းက ဝင်ပြောလိုက်သည်။
"မြူနှင်းဝေ၊ အစကတော့ နင့်ကိုသနားခဲ့တာဟ။
နင်အရမ်းသေမတတ်လိုချင်ခဲ့တဲ့လူကို ပြန်ရပြီဆိုတော့ ပျော်လားဟင်"
အိမ့်မြတ် က ခနဲ့ ပြီးပြောသည်။
"သူများဆီကလုယူပြီးမှရတဲ့ပျော်ရွှင်မှုက အကြာကြီး ခံမယ်ထင်လို့လားဟင်။ မိန်းကလေးချင်း ကိုယ်ချင်းမစာမနာ"
"အဲ့လိုမဟုတ်ဘူး။ ငါနဲ့သူနဲ့က သူငယ်ချင်းတွေပဲ။
သူလည်းငါ့ကို သူငယ်ချင်းလိုပဲ သဘောထားသလို၊ ငါလည်းသူ့ကို သူငယ်ချင်း လိုပဲသဘောထားတာ"
"တော်စမ်းပါ အရှက်မရှိ"
"အိမ့်ထင်နေသလိုမဟုတ်ဘူး။ ကိုကိုနဲ့သူက သူငယ်ချင်း ပဲ၊ ကိုကို့ဘက်ကတော့လုံးဝပြတ်သားတယ်။"
ဟိန်းမြတ်ပြောလိုက်သည်ကိုမြူနှင်းဒေါသထွက်သွားသည်။ သြော်..သူ့ဘက်ကပြတ်သားတယ်ဆိုတော့ ကိုယ်ကလိုက်ကပ်နေတဲ့သဘောလား။
မြူနှင်း ဘက်က ဘယ်လောက်ချစ်ချစ် အခြားမိန်းကလေး၏ ရည်းစားဖြစ်နေသူကို လိုက်ပြီးတွယ်ကပ်နေစရာလား။
မြူနှင်း ရှက်သွားသည်။
YOU ARE READING
Girl With Philophobia (completed)
Romantik(Zawgyi) ခ်စ္ရမွာေၾကာက္ေနတဲ့ေကာင္မေလးတစ္ေယာက္ နဲ႔ မခ်စ္တတ္တဲ့ေကာင္ေလးတစ္ေယာက္။ ၿပီးေတာ့ ေနာင္တေတြတေပြ႔တပိုက္နဲ႔ေကာင္ေလးတစ္ေယာက္။ ခ်စ္ျခင္းေမတၱာကို ကိုယ္မယံုဘူး ဘာလို႔လဲေမးရင္ အေျဖမ႐ွိဘူး ...
