" ថេយ៍ ? " មិនទាន់ទម្លាក់ខ្លួនដល់សាឡុងស្រួលបួលផង ភ្នែកមុតរបស់ជីនក៏ស្រាប់តែប្រទាក់ភ្នែកនឹងរាងសង្ហារដែលឈរពិតនឹងបង្កាន់ជណ្ដើរសម្លឹងមកពីខាងលើ ធ្វើឲ្យគេត្រូវរហ័សទាញជំហរក្រោកឡើងវិញជាបន្ទាន់ ស្របពេលដែលអ្នកសង្ហារក៏កំពុងជ្រែងហោប៉ៅចុះមកខាងក្រោមដែរ
" ឯងចង់ទៅណា ? " នាយកម្លោះបោះសំណួរភ្លាមកាលបើថេយ៉ុងដើរបង្ហួសវឹង គ្មានងាកមកចាប់អារម្មណ៍នឹងវត្តមានបងប្រុសទាំងពីរសូម្បីបន្តិច ។
" ឆាប់ទៅតាមទៅបង មានរឿងធំឥឡូវហើយ !! " ណាមជូនពោលដាស់តឿន ស្របពេលជំហានវែងៗក៏បោះចេញទៅតាមពីក្រោយដំណើរអ្នកជាប្អូនយ៉ាងប្រញាប់ប្រញាល
" ចង្រៃយ៍ អើយ !!! " អ្នកសង្ហារលើកដៃជ្រោងសក់ទៅក្រោយទាំងតប់ប្រម៉ល់មុននឹងចេញទៅជាមួយដែរ ចៀសវាងមានបញ្ហាកើតឡើងដូចពីម្សិលមិញ ។
[ ... ]
" ថេយ៉ុង ? " យូអ៉ីញ័រមាត់កាលបើងាកមកប្រទះនឹងក្រសែភ្នែកអ្នកដែលឈរខាងក្រោយខ្នង ថេយ៉ុងពេបមាត់បន្តិចមុននឹងបោះជំហានមកកាន់វង់សន្ទនាទាំងដែលកែវភ្នែកមុតស្រួចប្រៀបបានឥន្ទ្រីនៅសម្លឹងវង់ភក្ត្រិសង្ហាររបស់អ្នកម្ខាងទៀតនៅឡើយ
" ទំនេរណាស់ឬយ៉ាងម៉េច ?? ទើបរត់តាមគ្នាទាំងកណ្ដាលថ្ងៃបែបនេះ ? " រាងខ្ពស់ស្រឡះបោះសម្ដីជាមួយនឹងទឹកមុខរាបស្មើមកកាន់អ្នកម្ខាងទៀត ស្របពេលដែលកែវភ្នែកចង់ស៊ីសាច់ហុតឈាមគ្នារបស់ភាគីទាំងសងខាងបង្ហាញឡើងព្រមគ្នា
" យើងមិនចេះធ្វើចរិតឆ្កែលួចរត់ទេ " មិនឲ្យចាញ់ចិត្តនោះទេ យុនហ្គីតបមកវិញជាមួយនឹងស្នាមញញឹមស្រាលធម្មតា ប៉ុន្តែក៏កំពុងតែឆ្កឹះឆ្កៀលចិត្តរូបសង្ហារឲ្យក្ដៅក្រហាយឡើងភ្លាមៗ មិនមែនលើកទីមួយទេ ដែលគេនឹងយុនហ្គីប៉ះគ្នាក្នុងនាមជាសត្រូវ ហើយក៏មិនដែលមានលើកណាដែលអាកំបាក់ម្នាក់នេះបរាជ័យក្នុងការដុតកម្លោចគេឲ្យហ៊ុយផ្សែងតាមត្រចៀកដែរ
" តែក៏រត់មកជួបគ្នាលាក់ការពីយើង វាក៏មិនខុសគ្នាពីឆ្កែប៉ុន្មានដែរ " ថេយ៉ុងតម្លើងសម្លេងដាក់ទៅវិញផាំងៗប៉ុន្តែនៅរក្សាកាយរិការស្ងប់ស្ងាត់មិនប្រតិកម្មព្រោះមិនចង់មានបញ្ហាច្រើន ហើយក្បាលក៏ទើបតែបែក មិនទាន់ជាសះស្បើយនៅឡើយ បើមានរឿងពេលនេះ វាមិនសូវជាទំនង
DU LIEST GERADE
☾ BLOOD MOON ☾
Vampirgeschichtenព្រះចន្ទពេញវង់តែងតែកើតឡើងជារឿយៗ ដូច្នេះហើយវាគ្មានអ្វីចំឡែកនោះទេ ប៉ុន្តែអ្វីដែលចំឡែកនោះគឺ ព្រះចន្ទរះពេញវង់ហើយថែមទាំងប្រែពណ៌ទៅជាក្រហមឆ្អិនឆ្អៅដោយមិនដឹងមូលហេតុ គ្រប់គ្នាតំណាលថា យប់ណាដែលព្រះចន្ទប្រែពណ៌ យប់នោះហើយដែលពពួកក្រមុំព្រហ្មចារីត្រូវបានគេពង្រាត់យក...
