مساء الخير......
#قدري_الضائع.......
#بقلمي_شهد السعدي.....
____________________________________
"لا أحد يعرفنا حقًا، لأنه ثمة دائمًا ما ليس بوسعنا أن نُظهره."
...چنت العب ويه اولاد المنطقة طوبة والطوبة طالعه روحه عمره طويل ما شاء الله مطلعين روحه باللعب وچانت دنيا المغرب چان يصيح ابوية يلا مهيمن ادخل للبيت طبيت للبيت وكهرباء ماكو بالبيت هو زين مدبرين عيشتنه
ايام الثمانينات والناس تخاف على اولاده بليل ايام مر بيه العراق ما يتمناه العدوه ...
طبيت للبيت وجان يصيح مصطفى اخوي الاكبر بخمس سنوات مهيمن جيبلي مي كتله ماتكوم انت تشرب اني شعلية خدام عدك هو تخبل كام عليه ويريد يضرب ويكول هو انت طولك طول النعال وهيج تحجي وياي هاي عمرك ستة سنوات وهيج تحجي وياي ولا تكول اني اكبر منك ...
كتله وشحجيت مثلا كفرت كتلك انت كوم اشرب بس لازم تعاركني كل يوم واكلعلك حجه بس تريد تتعارك وطبعا كل عاده يجي ابوي مهيمن هذه اخوك الاكبر منك وتحترمه اني هم سكتت عنهم صبت امي العشا والي هو بتيته وطماطه وبيذنجان كلي وبتيته وراه كامن خواتي رشن الطارمة مالت البيت وغسلنه وفرشنه بيه وكعدنه صفنت عليهن خواتي شلون يخافن من مصطفى مسويلهن رعب يعارك ذبان وجهه ...
عدي 3 خوات اثنين اكبر مني ووحده اصغر مني رفل ورند اكبر مني وروان اصغر مني
ايام طفولتي جنت اعيشه لحظه بلحظه من نلعب احنه وولد الجيران طوبة ومن تصير عركة وكلهه تشرد واني ابقى ادور ع الطوبة وين شمروه .....
مره من المرات نمنه الظهر وراه كعدت غسلت وامي صبت النه چاي وكعك اكلنه وطلعت بره نلعب طوبة اني والجهال بدينه نلعب فريقنه تعارك ويه الفريق الثاني وچان تگب العركة اني هم وياهم كمت اضرب شامي عامي اهم شي اشارك بالعركة ويكون النصر حليفنه عركت زعاطيط بعد ههههههه....
احنه وجاي نتعارك واحد من فريقي اسمه محمد ضرب علي من ذاك الفريق بحجاره اجت براسه وچان ينشك راسه وذاك طفر لاعله يبچي ويصيح هي تاهت منو ضرب منو كله طفررت اني عود صرت ذكي شفته كله طشت ضليت ادور ع الطوبه حتى اخذه والعب بيه بالبيت وهي اشلون طوبه ملزكه وحالته حاله مااسمع الا اخو علي يصيح هااي منو ضرب اخووي واجو عليه كتله مو اني ضربته وعلي يگله همه كلهم ضربوني گامو شمرو حجار عليه اجت بحاجبي وكصتي ونشكت كصتي من وراهم همه شردو....
واني رحت للبيت اصيح اجت امي تصيح يمه وليدي منو مدميك هيج اني ابچي وادور وين مصطفى اخوي بلكت يفزعلي مثل علي من جاب اخو واجه فزعله ......
مااسمع الا صوت مصطفى اخوي وراي يكول مامنك بس المشاكل ويصيح ويريد يجي يضربني امي صيحت عليه وطردته واخذتني للمستوصف خيطوه وضمدوه الي ومن هاي العركة بقى اثر بكصتي .....
بس هالاثر ماوجعني بكد ما وجعني گلبي من كرهه اخوي الي ومااعرف شنو سببه اصلا .
احلى يوم چان عدي يوم سجلوني اهلي بالمدرسه لان جان حلمي اكبر واصير محامي واساعد امي وابوي واصير نسؤل عن خواتي وشيردن يطلبن مني بس ما چنت محسب الامور لم تكن بالحسبان بيوم من الايام ....
سسجلت بالمدرسة وجنت شاطر واني اقرا وحدي محد يقرني مرات رفل اختي الجبيره تقريني التعرفله لان هي ورند بطلن من المدرسة
بس بسبب ضعف حالتنه المادية الي كلش تعبانه چنت اسمع هوواي حچي عليه وعلى لبسي لان قديم وماابدله بس ماچنت اهتم عادي اهم شي ادرس واحقق حلمي ...
وصلت ثالث ابتدائي وحالتنه المادية ماتتحمل انو اضل ادرس بس اني جنت مصر اكمل دراستي حتى ابوي ومصطفى اخوي شكد حاولو يبطلوني يگلولي انته مصرف زايد ومره بليل لگوني اقره اجه مصطفة اخوي وطشر كتبي وبسطني ويگلي ماكو دوام وابوي كال بعد لا اداوم واطلع افلح ويانه بس اني مدچنت مصر اكمل دراستي علمود امي وخواتي ...
خليتهم ينامون ورحت اخذت كتبي وين حطاهن ابوي من اخذهن مني والصبح كعدت اخذتهن وطلعت للمدرسه بدون ميدرون وداومت من رجعت لعبو بيه لعب بس اني صيحت وكتلهم الا اكمل واني اشتغل واصرف على روحي ....
مع انو چنت طفل يعني ثالث ابتدائي يادوب عمري 9 سنوات بس كمت اشتغل بمحل نجارة مالت ابو عمار ويطيني يوميه اخذه مصروف للمدرسة للقرطاسية واذا مااحتاجيه لشي للدراسة اطيه لامي ....
ومرت ايامي ودرست ووصلت سادس ابتدائي ونجحت منه بمعدل 96 ورحت للاول متوسط چان حلمي اصير محامي والي مكتبي الخاص واساعد امي وابوي وخواتي وحتى اخوي مصطفى شكد يكرهني بس اني چنت افكر بيهم دائما ....
ودخلت للمتوسطة وهم جنت اسمع اشكال الحجي ومااهتم ولا اجادلهم مو ضعف مني بس اني مو صاحب مشاكل ومسالم ومااريد اكبر راسهم واهتملهم واحجي وياهم هيج نماذه الي ادور شكليات وتميز بين غني وفقير علاجة التجاهل ....
نجحت من المتوسطة ورحت للاعدادية واتي بين شغل ودراسة شغلي اطي مصروف لامي واختي روان لان خواتي الاكبر مني تزوجن وبقت بس مسؤلية روان وامي اني اصرف عليهن خاف يردن شي لان ابوي شغله يادوب مكفي عيشتنه ومصطفى اخوي شغله اله يجمعه حتى يتزوج بت خالتي ومايفكر غير بس بنفسه مافد يوم سئلن او اختي خاف محتاجات شي .....
مره رجعت من الشغل تعبان طبيت لكيت مصطفى كاعد باوعلي بنظرة استهزاء وكال
مصطفى : انت عود شنو صاير براسي رجال وعود تدرس وتشتغل لو تريد تكمل دراسه وتكبر راسك علية ويضحك مستهزء ....
مهيمن : اولا اني رجال وغصبا ما عليك ع الاقل احسن منك ادرس واشتغل واصرف على امي واختي واسئلهن شيردن مايردن الا انت حاير بنفسك وثانيا اني مامكبر راسي على احد ولا راح اكبره على شنو مثلا بس هذه هدفي وطموحي بالحياة ادرس واكمل دراسة .
جان يجي يهجم عليه ويضربني وضل يتعارك وياي اني هم كمت احجي عليه بس ميفيد وياه مصطفى من يوم يومه هو يفكر بنفسه ....
نجحت من الرابع والخامس ووصل للسادس الي كمت اقره في سبيل اطلع معدل يقبلني كلية قانون واحقق هدفي درست وتعبت وسهرت وربي ماضيع تعبي هيج وطلعت معدل 80 ورحت كلية قانون ودخلت كلية حياة جديده وطموحات جديده لكن كله راح مني هيج بسبب لعبة قدر غيرت حياتي وماجنت محسب هيج يصير ويااااي .......
حبايبي هذه البارت الاول ادري قصير بس حبيت انزل الكم اول بارت وان شاء الله يعجبكم ولا تنسون سوو تاك لكل اصدقائكم حتى يصير تفاعل واكدر انزل مو تنسون هاي 🌟
وغلسو ع السحكات 😂😂😂
يتبع.
YOU ARE READING
قدري الضائع ( مكتملة)
Romanceقصة تسلسل احداثها من الاب الى ابنته وتتكلم عن تعاكس القدر معهم فكونو معي احبتي مع احداث قصتي. القصة حقيقية وصلتني من صديقة البطلة .
