قدري الضائع ( مكتملة)

النهاية

مساء الورد....
قدري الضائع......
بقلمي شهد السعدي......
_______________________________________

‏لا تُهمل شيئًا لاتريد أن تراه بيد غيرك .🖤👌🏻.

دره.. اجيت اخذ جهالي من عمتي حتى انيمهم يمي بالغرفه لان صارة التسعه بليل كالت عوفيهم يمي اليوم عرفت ليش تريدهم يمها حاولت ردت ما قبلت
رحت لغرفتي وكفت كبال المرايه كاعد اوخر الماشات من شعري انفتحت الباب طب فهد وسدها

ردت اروح للحمام ابدل واغسل مكياجي جرني علي
لزكت بصدره صار وجهي بوجه وضل صافن عليه دفعته كتله فهد عفيه وخر اريد اروح  ابدل...

فهد.. لا ماتروحين الجهال ووصيت امي عليهم
درتي كافي بعد وفراك صار اكثر من سنه احنه مبتعدين والله مشتاقلج بكد رحمة الله حسي بيه عاد....

دره.. هاا يعني انت موصي ع الجهال خطيه عمتي
متدركدلهم والله هسه يعذبوها ع الاقل جيبهم هنا اني انيمهم....

فهد.. لا مو خطيه اني الخطية مو كافي عاد رحمي
بحالي...

دره.. وانت شبيك خطيه بعدني داحجي ويا قرب وجه من وجهي واخذ شفايفي بين شفايفه ماكدرت ارفضه تفاعلت ويا لان اني هم مشتاقتله بهذا اليوم
افعالنه هي الي حجت عن مدا شتياقنه واحد لثاني 
واحد يثبت للثاني منو يحب الثاني اكثر.....

نايمه على ايد فهد وهو يشرب جكاره كتله فهد خلي
ابدل واروح اجيب الجهال يمنه باوعلي بطرف عينه وحجه...

فهد.. اشش عوفينه بس اني وياج مشتاقلج حيل
سولفي ولا تسكتين مشتاقلج من تحجين وماتسكتين واني اصفن عليج اتيه ببرائتج وبعلومج دره متدرين شكد تأذيت بفراكج من رحتي ومالكيت الج اثر حسيت خسرت وبداخلي اكول هاي مو دره سوت هيج بس مااكدر اتصرف جنت مربط مااعرف شنو يصير وياي امشي مثل الدايخ بس بيوم الي رحنه زرنه كربلاء بجيت بين الحرمين اول ماطبيت للامام الحسين عليه السلام كعدت بعتبة بابه وطلبتج منه ورحت لابو الفضل عليه السلام هم طلبتج منه وماجنت وماقصرو...

دره.. وشصار بيك من شفتني كبالك لابسه بوشيه
يعني اشلون عرفتني واني بس عيوني طالعه..

فهد.. عرفتج من اول نظره عيونج ذني اشلون انساهن واني ايام وليالي ماتغمضلي عين اذا ما يصيرن كبالي...

دره.. ضلينه نسولف الى ان نمنه كعدت الصبح
على شي احسه يكرص بخدودي فتحت عيوني لكيت فهد حاط لحيته على خدودي فهد وخر لحيتك تكرصني...

فهد.. صباح النور عود لج صار ساعه اصحي بيج
وانتي متصحين فكعدتج بطريقتي الخاصه...

دره.. هههههههه غير بليل ماخليتني انام وهسه وخر خلي اروح اسبح علمود اروح اجيب الجهال خطيه عمه هسه تلگاها ابتلت بيهم...