قدري الضائع ( مكتملة)

البارت الرابع

مساء الورد 🌼...
#قدري _الضائع........
#بقلمي _شهد السعدي.......
&&&&&&&&&&&&&&&&&&&&&&&&

‏كّل الإشياء الجّميلة صعْبه❤️.....

مهيمن ..‏اخذت امي وطبيت للبيت رحت لكيت دره بعده نايمه بوسته ورحت كعدت ويه امي واتخذت قرار وحجيته الامي ورا هذه اليوم كلشي تغير وبديت رحلة جديده بحياتي ........

ثاني قررت وحطيت قطعة على بيتنه وبعته واخذت حصتي وحصة امي وحصص اخوي مصطفى وخواتي اطيتهميا بس خواتي ماقبلن وگالن اخذوهن الكم واشترو بيت انت وامي .....

بعنه البيت ورحت شفت بيت بغير منطقة والزرع والگاع عفته ورحنه لغير منطقة وهناك بدت الي حياة جديده ونقلت دره لمدرسة قريبة ع البيت الجديد واني بديت ودورت شغل عانيت هوواي يلا لگيت شغل .....

فديوم ستوني راجع من الشغل سبحت وامي حطتلي غدا تغديت وخلصت اندك باب البيت طلعت فتحته طلع فهد سلمت علية ودخلته للبيت ....

فهد.. اگلك مهيمن هسه انتي عايش ع المهدئات موو ...

مهيمن .. اي ع المهدئات واشوف وين توصل وراح اشوف هذه السيد الي گالو عليه بلكت اكو فائده

فهد .. ان شاء الله واني وياك اروح للسيد اني حجيت ويه الوالد واكو معارف نعرفهم ودبرنها الك وراح ترجع اداوم وتكمل من المرحلة الثانية ......

مهيمن .. فهد يحجي واني صفنت معقولة ارجع لدراستي معقولة ارجع اكمل مسيرة احلامي فهد مااعرف اشلون اشكرك كلشي قليل بحقك والله ..

فهد .. مهيمن احنه شحچينه مو گلنه مامو هالرسميات بيناتنه وهسه جيب بتك ام لسان اشوفه شعجب ما اجت يمنه اليوم ...

مهيمن .. دره كاعد تساعد امي عود هم صايره مره ههههههههه وهو نص شغل بس تسولف
لحضة خلي اصيحه...
دره دره بابا تعاي...

دره .. نعم نعم يا سيد مهيمن اجيت ....

مهيمن .. غير تسكت تمشي وتصيح هههههههههه

دره .. يا هاي منو يمنه عمو فهد اشلونك عموو

فهد .. هلا بدره اشلونج واني اكول مابينت اليوم وجابت كتبه ونغصت علينه الگعده ...

دره .. هاا يعني اني طلعت انغص عليكم الكعده ليش هيج عمو واني مونستكم ولمن اجيب كتبي حجه حتى امعد يمكم ....

مهيمن .. شورطك ويه ام لسان تجيه يمنى تطلع الك يسرى هههههههه

ضلينه كاعدين ونسولف وراه فهد راح وثاني يوم رحنه اني ويا للكلية وكملمه اوراق الدوام وچان فايتني شهر كامل عن الدوام ووازنت بين شغلي والدوام اما عن حالتي الصحية فالاساتذة والدكاتره چانو متفهمين حالتي ومقدرين ظروفي .....