مساء الورد والياسمين عليكم ❤
#قدري _ الضائع ........
#بقلمي _ شهد _ السعدي ........
___________________________________
- ابتعد للأبد لكن لاتأتيني وقت فراغك 🌼
دره ..فهد عفيه اريد انزل بعدني ما مكمله حجي مااحس الا سحبني عليه حيل لزكت بجسمه ...
فهد .. وتردين تنزلين هيج ؟
دره .. يحجي وياي بهمس وصوته احسه يريد يختفي ويبلع بريكه ومغمض عيونه ويشتم بشعري كتله اي عفية وخر بس اريد انزل ...
فهد .. واذا مااعوفج شيصير مثلا ؟
دره .. هاي شبيك خليني انزل والله البنات منتظرات ...
فهد .. وتردين تنزلين بهيج لبس والحمره مالتج تجيب التايه ...
دره .. والمطلوب شنو مثلا ان شاء الله تريدني ابدلهن والله ماابدلهن وهي بس حفلة نسوان وشبي بعدني دااحجي مااحس الا اخذ شفايفي بشفايفه ادفع بي ميندفع تكول حايط حسيت الهوا انكطع اخر شي كرصته ببطنه لزمني من راسي وقربني اله اكثر
وصار يتفنن بشفايفي استلسمت اله وماهدني الا بعد ما كطع عني النفس بس وخر عني جسمي كله يرجف ....
فهد .. هاي بعد حتى ما تحطين هيج حمره وهسه تكدرين تنزلين ..
دره .. اباوعله شلون واثق من نفسه ويحجي وادور راح للحمام اني اعرف اشلون اتصرف وياك رحت رتبت مكياجي وطوخت الحمره اكثر ونزلت بس گلبي من وره بوسته احسه حيطلع من صدري من كثر ما دكاته سريعه ...
ياسمين .. شبيج دره شو وجهج احمر ..
دره .. لا ما بيه شي بس نزلت اركض .
ادور بده المولد والنسوان كومه كرايبهم سلمت عليهم واكو مااعرفهن بس الحلو انو سجى وامه وخواته مااجن كالو عد خوالهن مااعرف وين اني هم كلت خفتاً وراحه ....
رحت للمطبخ اشرب مي ولكيت زوزه ونونه يركصن ويدبجن وحدهن وملبسيهن بدلات نفس الشكل بس اللون يختلف كمت اركص وياهن نزعت الكعب وكمت اركص هناك استحي اركص حطيت ذني وكمت اركص وارجف من فوك لجوه وذني الحنفوشات وياي يركصن ....
درت وجهي لكيت ياسمين وفهد صافنين اني كبل طفرت لبست الكعب وكتلهم ها ها زوزه ونونه يردني اركص وياهن وركصت خطية هنه ....
فهد .. اي واضح هنه خطية هسه اريد اطلع اروح للمكتب جان عرفت اتصرف وياج بس من ارجع وحسابج بعدين على هذه الركص والحمره ...
دره .. على شنو تحاسبني من حقي اركص لو الا اخذ توقعيك واكلك سيد فهد تسمحلي اركص لو اسوي هيج وهيج والحمره حفلة نسوان ماطلعت بيه للشارع بس لا شلون لازم سيد فهد يحاسب دره المسكينه على ابسط الامور وبعدين يرجع عليه ويكول الهه كافي كافي شكد تحجين وهو اني يمته حاجيه اجاوب على كد السؤال والجواب ولم اكول اله اجاوب على كد السؤال يكول يمته بس على كد السؤال ويعتبر حجي الحق وتبريري على بعض المواقف لغوه ياسمين اني احجي هواي لو بس من تسئلوني ....
STAI LEGGENDO
قدري الضائع ( مكتملة)
Storie d'amoreقصة تسلسل احداثها من الاب الى ابنته وتتكلم عن تعاكس القدر معهم فكونو معي احبتي مع احداث قصتي. القصة حقيقية وصلتني من صديقة البطلة .
