قدري الضائع ( مكتملة)

البارت الثاني والعشرون

مساء الخير ......
#قدري _ الضائع ......
#بقلمي_شهد _السعدي ........
___________________________________

- ماهو الشيء المميز بـ والدك ؟
- لا شيء مميز بدونهُ 💜✨

فهد .. دره انتي دخلي شوفي اني بعدين هو بحاجتج اكثر مني ...

دره .. جسمي كله صار يرجف من الاشتياق لباب واريد اشوفه لبسوني ملابس مستشفى فوك ملابسي ولبست دخلت للغرفة ونصدمت من المنظر

هذا مو بابا مستحيل يكون بابا تقربت اكثر عليه ضعفان حيل وجسمه كله ع الاجهزه وراسه لافي بابيض تقربت يم وبديت احجي ويا ....

بابا حبيبي اكعد اني درتك اجيتك سوده علية وحدك بالغربة لا ابو ولا اخو وياك وانتوهنا دتصارع الموت ادري بيك قوي وتريد ترجع للحياة مره ثانية اني اجيتك لهنا يلا اكعد حبيبي كافي نوم .....

اختنك من البجي واني يمه كاعده واحجي تقربت من راسه بسته بكصته اجه الممرض اشرلي اطلع طلعت لكيت فهد متانيني انهاريت بالبجي وكعدت بالممر ....

فهد .. دره حبيبتي كولي يا الله مادام بعده يشتم الهوا بهالدنيا كلش كافي وان شاء الله يرجع النه سالم واحنه ماراح نعوفه ...

دره .. هزيت براسي بمعنى اي بس محد يحس بيه والانهيار الي بداخلي بابا نو جرد اب الي هو جان امي وابوي واخوي وعائلتي كله اويلي عليك بابا بيبي ماتت وهي بحسرة تريد تشوفك سالم .....

راح فهد دخل يم بابا واني ضليت انتظره بالممر ومرتضى خطية ماعافنه ابد ضل ويانه ....

فهد ... دره صارة كلشي بحياتي والمفرحني من كالت اني هم احبك حسيت ملكت الدنيا بذني كلماتها وصارة دره مرتي وكلشي بحياتي واريده تصير ام جهالي مااريده تعوفني لحظه الحب الي حبيته الهه حتى سجى ماحبيتها بكدها دره تركيبته عجيبه واحلى شي بيه طيبة گلبة واكو شي يجذبني بيه دائما رغم ضحكها وسوالفها وياي ويه اهلي والبنات بس من اباوع بعيونه اشوف الحزن بيهن وهموم الدنيا كله عده .....

من قبل مااعترف الهه اني احبه قررت اخذه ونروح يم مهيمن بالهند اجه موعد سفرنه للهند وحبيت اسويه الهه مفاجئه وفاجئتها من سافرنه للهند ...

وصلنه للهند ورحنه للمستشفى ويه مرتضى من وصلنه لغرفة مهيمن كتله هي اطب اول وبعدين اني طبت بس من طلعت منهاره من البجي طبيت للغرفة تقربت يم مهيمن مو مهيمن الي اعرفه ضعفان وجسمه عباره عن اجهزه ضليت احجي وياي ....

هاا مهيمن اني فهد اخوك وصديقك وضلعك الي مايفاركك ابد هيج عندك سهله تفاركني وتروح لا مهيمن انت قوي يلا ارجعلنه كافي نوم درتك ذبلت وراك كوم عمي غير انت ابو مرتي وراح تصير جد جهالي بالمستقبل كوم ياخوي ماتلوك الك هاي النومه ابد انهاريت على الوضع الي شفت بي مهيمن شوية وطلعت ....