مرحبا حبايبي........
قدري الضائع........
بقلمي شهد السعدي........
_______________________________________
لنا الله في كُل حديث نعجز عن حكايته فالهُدوء نعيم والصّمت حياة..'💕
دره.. صبت الغده سجى وتبتسم وتشيل وتحط كدامنه كلنه اني غلست عنه لان اصلا ما جان ببالي سوايتها هاي بيه سالفه خلصنه غده صبينه جاي اني رحت لغرفتي باقي كم يوم ويطلع الاربعين وجهالي كبرانين ووقتي اقضي كله وياهم ضليت كاعده اسكت هذا يبجي هذا لو يصفنون بوجهي واني نن اشوفهم ساكتين اضل هم صافنه في سبيل يبقون ساكتين هههههه.....
مرت الايام عادي بس الي تغير فهد تغير وياي حيل حتى بعد مايجي ويشوف الجهال البنات عمي عمتي احسهم مو مثل قبل وياي كلت لا عادي اكيد تعبو خلال هاي الايام وياي حتى صرت الاحظ فهد صار تصرفه ويه سجى عادي بعد ماكان نافرها...
كعذت الصبح غسلت للجهال وبدلت الهم طلع اربعينهم وصارو يناغون واني انجنيت عليهم طلعتهم للصالة يم عمتي رحت للمطبخ اساعد البنات صباح الخير...
البنات.. صباح النور....
ضحى.. عفية درو صعدي جيبيلنه المعجون بالغرفة الفوك لان مانزلنه الكارتونه مالت قواطي المعجون واليوم جمعة والولد كلهم هنا لازم نطبخ الغده من وكت....
دره.. صعدت لفوك رحت للغرفة الي نحط بيه المواد الغذائية التمن والشكر والزيت والمعجون اخذت المعجون وردت اطلع سمعت باب الحمام انفتح وصوت ضحك فتحت الباب بس شوية وباوعت فهد وسجى طالعين من الحمام وسجى تضحك وتكول لفهد....
سجى.. عفية حبي كافي خلي ننزل جوه البنات كلهن كاعدات وانت حابسني بالغرفة متخليني اطلع...
دره.. سمعت كلامهم واحس گلبي وجعني حييل وجع مانريت بي من قبل نزلت المعجون للبنات واستأذنت منهن واخذت حهالي لغرفتي وسديت الباب قفلته ركعدت وراه ودموعي نزلت تتسابق هاا فهد صرت لغيري عشت حياتك اني شنو ذنبي اتحَل كل هذا الوجع ليشش هيج وياي ذنبي ماعدي احد موو هيج تستغل نقطة ضعفي لو بابا الي مايذكرني وجعتوني حييل ليش هييج ويياي والله حرام عليكم اني شنو ذنبي بوسط شهكاتي واني ابجي...
سمعت صوت اطفالي يناغون رحت تقربت يمهم ابتسمت وامسح بدموعي واشهك بوستهم واحاجيهم ياروح امكم انتو انتو ماراح تعوفوني موو اني عايشه علمودكم لان محد عايش علمودي هنا كلمن شاف حياته ابوكم عاش حياته ويه الي يحبها وجدكم الي هو بابا اصلا مايذكرني اني بنته اصلا اني وجودي. وعدمه بالحياة نفس الشي بالنسبه الهم بس انتو غير انتو اولادي وعائلتي وسندي وكلشي بدنيتي بوستهم لعبتهم شوية
نعسو نيمتهم.....
كعدت يم شباك غرفتي ولميت رجليه لراسي وحطيت راسي على رجليه وصفنت وشريط حياتي مر كدامي حياتي ويه بيبي وبابا واشلون جنت اشوف الجهال اذا انبسطو او شي يرحون لامهم اني جنت اصفن واروح اسكت نفسي بنفسي لان بابا
بفترة طفولتي جان مريض لو من رحت للي تتسمه امي وشفته اشلون تحب بناته لو الشخص الي حبيته وتزوجته وجبتله 3 اولاد ومن انفقد انسليت ببعده ومن اجه وكلت اجه سندي كسرني وحطمني بزواجه ومو اي زواج بالي جلن يحبها...
VOUS LISEZ
قدري الضائع ( مكتملة)
Roman d'amourقصة تسلسل احداثها من الاب الى ابنته وتتكلم عن تعاكس القدر معهم فكونو معي احبتي مع احداث قصتي. القصة حقيقية وصلتني من صديقة البطلة .
