قدري الضائع ( مكتملة)

البارت الثالث

مساء الخير.....
#قدري _الضائع .....
#بقلمي_ شهد السعدي.......
____________________________________

‏لمّ نْكن سيئين ولكن ساءتّ بنا الأيَام 🌸

كاعدين ونسولف وفجأ ادهورت حالتي وچنت محتاج مثل ماامي وروان يسولي ويهدئني بالعلاج ويقرن ايات قرأنية على راسي بس الي صار ما توقعته من اخوي هيج يسوي المفروض چان لازم يوكف وياي ويصيرلي سند مو هيج يسوي وياي چانت مدهوره حالتي وكمت اضرب واكو كراسي شلتهن وكمت ارگع بيهن انصدمت واني اشوف مصطفى اخوي يركض باتجاهي وهو شايل سجينة ...

مصطفى: لك كافي فضحتنه الا اضربك بالسجينة واخلص منك كاافي .

ام مهيمن : ولك هذه اخوك شبيك انت وياه الي يشوف تصرفك يكول هذه عدوه مو اخو من عساني لا مخلفتك ولا شايفتك الحيوان ارحم منك......

مهيمن : راسي يوجعني وشي يدفعني اضرب واكسر واصيح بس بداخلي مااريد هيج بس كلشي خارج عن ارادتي ومااعرف سببه واكف ولازم راسي واني اشوف امي ببيناتنه اني ومصطفى اخوي اجت امي وقرت قرأن على راسي ....

دره : بابا شبيك شنو يوجعك اجي الزم راسك بس حباب لا تصيح وتضرب ..

مهيمن : تعاي يا حبيبة ابوج تعاي اجت يمي خايفه وتريد تبجي باباتي من تشوفيني هيج ابتعدي عني هاي مو اني اتصرف هيج اني مريض وهسه تعاي نامي يمي واسولف الج قصة ....

ثاني يوم كعدت الصبح ورحت للزرع وكمت افلح واشتغل مااسمع الا صوت فهد وراي ...

فهد: ها ضلعي شنو صاير فلاح وماادري ماتكلي اشتغل وياك شجاك ههههههه

مهيمن : ابتسمت لكلامة وسلمت عليه كتله وينك وين الفلاحة عوفك مني بشرني اشلونه شغلك يتعب شغل المحاماة مو ..

فهد: لك غير مااحجي القضايا اشكال تشيب الراس هاي اليوم لغيت كلشي علمود اجي واشوفك لان اذا ابقى على وقت فراغي تأيس مني هههههههه...

مهيمن : اي بشر مانويت تزوج لو لسه قافل ع القضية لك صار عمرك 25 وانت بعدك واني ازوجت وصار عدي بنية وعمر دره هسه 7 سنوات وانت بعدك ....

فهد : هي وحده چانت بالگلب وراحت الله وياه وربي يسعده بعد قفلت مااريد اتزوج يعني اني اشرد من حچي الوالده تتلگاني انت ...

مهيمن : يلا عمي سكتنه لا تضوج طز بالزواج ما من ورا غير بس شلعان الگلب ههههههههه

فهد : اي هذه الحچي الزين ههههههههه

مهيمن : اخذت فهد ورحنه للبيت وتغده يمنه ودره خبلتني كلساع تعيد الاملاء وتعال راجعلي وكاعده يمنه بالاستقبال اني وفهد مره اني اراجع اله ومره فهد الى ان حفظته بس ام لسان متسكت ..

دره : يلا عود شكراً ولو تعبتوني ساعتين تراجعون الي حايرين بالسوالف وناسيني اني وكتبي الا احجي يلا تردون الي ...