قدري الضائع ( مكتملة)

البارت الثاني

مساء الورد والياسمين عليكم 😍
#قدري _الضائع .....
#بقلمي_شهد السعدي.......
____________________________________

‏إنها ليست مجرد تنهيدات تلك التي نطلقها مع النسمات، إنها جِراحنا 🌸

مهيمن : نجحت من الرابع والخامس ووصل للسادس الي كمت اقره في سبيل اطلع معدل يقبلني كلية قانون واحقق هدفي درست وتعبت وسهرت وربي ماضيع تعبي هيج وطلعت معدل 80 ورحت كلية قانون ودخلت كلية حياة جديده وطموحات جديده لكن كله راح مني هيج بسبب لعبة قدر غيرت حياتي وماجنت محسب هيج يصير ويااااي .......

مهيمن: كعدت الصبح وچان الجو بارد وسنة بنهاية التسعينات چان البرد مو مثل هسه چان الشتا اطول وابرد كعدت لكيت امي مسويتلي ريوك كتله صباح الخير يمة ...

ام مهيمن : صباح الخيرات وليدي تعال اكعد تريك سويتلك بيض ودفيتلك حليب وراك دوام خو ماتروح على لحم بطنك ..

مهيمن : رحت غسلت واجيت بست راس امي وكعدت يمه نتريك ادور بدلت باوعت على ملابسي ماعندي غير هالقميص والبنطرون وشنو يعني عادي اهم شي نضيفات ....

وصلت للكلية ورحت القاعات المرحلة الاولى هاي شنو الناس اشكال البنات والولد واللبس وكلشي اهنا عالم ثاني ....

كعدت بالستيج وباقي الطلاب نص يسولف هو وجماعته والبنات اشكال اكو الي جايات صدك يدرسن واكو الي جايات يتونسن ....

دخل دكتور المادة اول محاضرة وعرفنه عن نفسه وخلصت المحاضره جان يجي طالب من طلاب وكف بصفي وكال .....

فهد : اكدر اكعد يمك ؟
مهيمن:اي تفضل اكعد .

فهد:اني فهد وماعدي واحد اعرفه من الطلاب اهنا ومن بده الدوام ولسه لاحظتك لا سولفت ويه احد ولا شفت شي عليك فگلت انت مثلي

مهيمن: ابتسمت ومديت ايدي اتشرف بيك واني اسمي مهيمن هم مااعرف احد هنا .
ومن هذه اليوم صار فهد شي ثابت بروتيني بالدوام وحتى هو اجه البيتنه واني رحتلهم رغم اختلاف هووواي بيني وبينه بس رغم هذا كان فهد انسان متواضع بعيد عن التكبر الي چنت اشوفه بعيون هواي طلاب .....

خلصت المرحلة الاولى من الكلية بتقدير امتياز والمرحلة الثانية ماكملت للاسف ......

بيوم رجعت من الدوام تغديت وراه نمت كعدت العصر دزني الوالد اروح اشغل الماطور للزرع
رحت چان اكو عائلة اسمهم بيت ابو مختار ذولة عائلة سمعتهم كلش مو زينه وناس معروفين معروفين انو همه كلهم سمعتهم ابد مو زينه وهواي سوالف عليهم بالمنطقة ......

وصلت للماطور شغلته وچان تطلع مرية هيج بكد امي وتصيح وبس تريد تتعارك اشلون شغلت الماطور بس هي ابد ابد مو راحه ونظراته عرفته نظرات شنو بس كتله انتي مريه وعيب احجي واصيح عليج لو رجال چان عرفت شسوي وياج .....