قدري الضائع ( مكتملة)

البارت السابع والعشرون

مساء الفل والياسمين ❤
#قدري_الضائع........
#بقلمي_شهد _السعدي .........
___________________________________

چا وين أودّي الحچي وأتعاتب ويامَن ؟ .💔

دره .. طلعنه للصالة وكلهن سلمن عليه ويتحمدن اله بالسلامة راح للاستقبال فهد واني رحت ويه البنات صلينه وصبينه غده كله تغدت ورا الغدا كاعده يم البنات صبن چاي ويغسلن بالاماعين ...

فجأ دخلت يقين اخت سجى حجت حجي بحيث الاستكان جان بيدي وكع واني اسمع خبر حطم حياتي .....

يقين .. سجى سمعتي شصار ابوي اطاج لفهد فهد راح يجي يخطبج ....

ياسمين .. شنو شنو شبيج شكاعد تلوصين بالحجي ....

مروه .. شبيج خيه شنو شاربه نفط لو تحجين واحد بالشهر .....

يقين .. اني ماجايبة الحجي من جيبي هسه سمعت ولد عمي ......

دره .. انتي شكاعد تحجين شبيج حلمانه ترا فهد زوجي ومزوج ....

ضحى .. تعاي حبيبتي دره لغرفتج روحي اكيد اكو شي غلط بالموضوع ...

دره .. اريد اوكف من سمعت الخبر ماكدرت جسمي كام يرجف حسيت الطاقة الي عندي خلصت اخذني البنات للغرفة بطني صار بيه تقلصات وكامت توجعني كمت ابجي بس مز من وجع بطني لا والف لا بس من وجع گلبي ربي اختبارك صعب مااكدر والله ....

ضحى .. عزا العزاج يقين البنية من الهبطه مدري شصار بيه خلي اصيح احمد وناخذه للدكتوره مالته ....

تقى .. اي لج عيني ضحى روحي بسرعه شوف وجهه اشلون صار ...

دره .. ضلن البنات فوك راسي واني كل احوالي تخربطت لبسوني حجابي وعباتي وعباتي واخذوني ضحى واحمد للمستشفى الاهلي الي اداوم بي الدكتوره مالتي ....

وصلنه للمستشفى رحت لغرفة الدكتوره فحصتني وكالت ...

الدكتوره .. ماما هاي ليش هيج شصاير وياج وخايفه مهبوطه عدج واحد من الاطفال مهدد بالاسقاط لازم تضلين نايمه على ظهرج وتبقين كم يوم هنا بالمستشفى شوف وجهج اصفر شصاير وياج ياامي لازم تنتبهبن على صحتج ....

دره .. حجت الدكتوره واني جسمي يرجف وبطني كتلتني من التقلصات اخذوني لغرفة وحطولي مغذي وكل شوية تجي الدكتوره تفحصني ضحى راحت للبيت جابت ملابس وياه وبقت وياي ماقبلت اطلع الدكتوره الا لثاني يوم طلعت رحنه للبيت وشرطت مااتحرك ابد

دخلت للغرفة الجوه ورحت مددت على الجرباية شوية وطب فهد للغرفة ...

فهد .. شبيه مرتي مااله خلك شبيه درتي اووف يادره خوفتيني عليج وهسه كوه

دره .. فهد لو اي لو لا صح الي سمعته راح تخطب سجى ...

فهد .. دره هذا الحجي مو وكته هسه اهم شي صحتج ومعليج بالباقي ...