قدري الضائع ( مكتملة)

البارت السابع عشر

مساء الخير ....
# قدري _ الضائع .......
# بقلمي _ شهد السعدي .......
_____________________________________________

‏لا أريد أن انتبه بعد الآن، هذه الفطنة كلفتني الكثير ...

دره ... طبت للمطبخ ويه ضحى لان كايله الهه اني ام دره وهي عصبيه......

نسرين .. كله بسببج انتي جيتي مره وحده لبيتي راح افترق عن جهالي بسببج ...

دره .. بداخلي نار محد يدري بيه وگلبي احسه نعصر من كثر القهر من وره حجيهه
ابتسمت رغم اله رغم القهر بس ما حبيت ابين ضعفي كدام احد كتله ...

اولا اني من اجيت وشفتج اعتقد انتي ردتي تشوفيني ودزيتي واني مو لان ميته عليج ورحت شفتج بس جان عندي حجي وياج واعتقد تذكري فهسه مو من حقج تجين وتحاسبيني وثانيا المطلوب مني شنو بهاي جيتج شتردين ....

نسرين .. راح اخابر زوجي وتگليله اني اجيت شفته وما بگت لا ذهب ولا شي لان بيوم الاجيتي الذهب نباك ولسه من ذاك الوقت اني زعلانه مايقبل يرجعني وجهالي ضالين هنا وهناك ....

دره .. ما مضطره ابرر لاحد ولا اخابر وهسه اطلعي من بيتي جهالج ذوله وكسور كلبج عليهم وخايفه على مشاعرهم اني شنو هاا الي عفتيني سنين ما سئلتي عني ما كلتي خطية وهسه بكل عين صلفة جايه ترديني ابرر واحلف واكول مو اني بايكه وشنو علمودج وعلمود عائلتج ماعلية هاي خصوصياتج انتي وعائلتج ....

كوه راحت وطلعت من البيت وجيته الي ما اله اي مبرر البنات ضاجن عليه ...

ضحى .. دروره صعدي فوك ارتاحي يگلبي
تقى .. اي معليج بالصار روحي ارتاحي ...

مروه .. اسويلج حلاوه شي وجهج اصفر يمكن صار عدج هبوط ...

ياسمين .. دره تعاي نصعد فوك يمعوده شوفي وجهج ...

دره .. بنات راح اروح اسبح وارتاح شوية وانزل عفت البنات وصعدت الغرفتي قفلت الباب وكعدت ابجي ....

دنيا ما نصفتني بيوم على شنو ابجي على بابا الي مااعرف يرجعلي لو لا الي لهسه بالغربة وحده لو امي الي حرام ينگال عنه ام لو بيبي الي صحته من سيء الى اسوء لو زوجي الي يفكر بغيري وسجى اطلكت من زوجه ولازمه عدهه يم اهله خوفي من هذني كلهن هدم الجبل الي بداخلي ....

تعبت واني اني اتصنع القوة الكلشي واني بعدني صغيررره على هيج هموم وراي طريق طويل وعثر ....

رحت سبحت وطلعت من الحمام ادور بدلت ونزلت ويه البنات كملنه الغده اذن الاذان رحنه صلينه ....

اجو الولد هم صلو وادور صبينه غده وتغدينه عمي وعمتي كعدو ع التلفزيون والبنات كاعدات يسولفن جان تكول عمتي ...

ام فهد .. يمه دره اشوف وجهج اصفر خاف حامل ....

دره .. يا عمه منين حامل لا مو حامل ..
ام فهد .. يا شنو منين حامل وفهد وين راح يمه ...