قدري الضائع ( مكتملة)

البارت الخامس عشر

مساء الورد عليكم ❤
#قدري _ الضائع ........
#بقلمي _ شهد السعدي ........
_____________________________________________

الأرض لا تَدور
حولَ نفسها
الأرض تحاوِلُ رؤيتَكِ
مِن جَميّعِ الجِهات !..

دره ..رحت لكيته ممدد على الجرباية طفيت الضوه ورحت نمت يمهه وخليت المخاديد اصفحت باليوتيوب شوية وادور نمت كعدت بليل واني احس ثكل علية فتحت عيوني لكيت فهد فوكاي .....

حاولت ابعدهه عني بس هو نايم وثكيل تكول حايط عليه ادفع ميندفع وهو نايم

دره .. كمت ادفع فهد اكعد اني مو المخده ترا اني دره لك وخرر كاعد اكعد بي بس هو نايم غاط بسابع نومه ادور سكتت كلت هو هالمره مجاوز الحدود حتى باجر اغرمه بالگوه رجعت نمت مامتعوده عليه وهو هالقرب مني واني اتنفس عطره وهو نايم فوكاي كوه نمت

كعدت الصبح على حركت ايده وهو يريد ينسحب من يمي حتى مااشوفه فتحت وكتله شفتك ....

فهد ..صباح النور اشلون حسيتي بالغلط وماادري اذا انتي تاخذين الجرباية طول بعرض فاشتبهت عبالي المخده ....

دره .. اممم اي بس هالمره انت مجاوز الحدود وعليك غرامه ....

فهد .. يابة هم مي خالف بس ادور هاي شنو كل يوم الصبح نحجي بالغرامه هاي هيه صارة وحده بوحده ...

دره .. اتفقنه وهسه وخر عني اريد اكوم والغرامه من يجي وكته اكلك وغمزتله ....

فهد .. ههههههههههههههه وتغمزين يابة هم مي خالف تتدللين شتردين اني حاضر بس هسه راح اسبح حضري ملابسي ...

دره .. راح هو للحمام اني رتبت الغرفة وبدلت ملابسي وغسلت ولفيت حجابي ونزلت اسويله ريوك وصلت للصالة تلفوني بيدي دك عرفته بابا لان كل يوم مثل هيج وقت اخابره الصبح ...

دره .. الوو هلوو بابا حبيبي اشلونك
مهيمن .. هلا ببنيتي اشلونج بابا الاهل اشلونهم يمج ...

دره .. الحمد الله كلهم زينين يسلمون عليك
انت شلونك عمليتك بعد يومين مو ...

مهيمن .. اي بعد يومين وحاليا اني بالمستشفى لان يردوني متواجد يمهم قبل كم يوم من العملية وكلساع يسون فحوصات

دره .. اني اسمع صوت بابا التعبان ودموعي تنزل بس مااريد ابين اله اني ابجي خاف ينقهر كتله يارب ترجعلنه بالسلامة ..

مهيمن .. ان شاء الله بيبيتج اشلونه دتخابريه
اني اخابرهه همات بس كلشي ماافهم من صوته يقطع الشبكة عدهم ضعيفه ...

دره .. اي اخابره وتسئلني عنك واني اطمنه
مهيمن ... فهد اشلونه وياج خو مطولين لسانج لان ادري بيج راديو ما شاء الله