قدري الضائع ( مكتملة)

البارت التاسع

مساء النور والسرور عليكم ❤
#قدري _ الضائع ......
#بقلمي _ شهد السعدي ......
____________________________________

المستقبل ملك لأولئك الذين يؤمنون بأحلامهم❤️...

دره ..
كمل ذاك البيت واني خلصت دوام ونجحت للثالث متوسط وهذه بيتنه عرضه للبيع واكه حصص عماتي وصفينه البيت واخذنه الغراض وشلنه لبيتنه الجديد البيت الي ماحبيته ولا عشت بي وياريت لو باقين بذاك بيتنه .......

شلنة لبيتنه الجديد واول يوم رحنه اله اجن عماتي ساعدنة بترتيب البيت يومين ضلن يمنه وراحن ادور بقينه اني وبيبي بالبيت والجيران لان احنه ستونه شانه للبيت وجدد يجون يسلمون علينه ويروحون واكو يغرفونه من زمان ما چنه كاعدين اهنا .....

كعدت الظهر بيبي تريد نكمل الكليجه لان عجناها اني وياه قبل ماانام نص ساعة نمت وكعدت بدينه نحشي بيه ونطبع ونشوي خلصنه واني اخذته اصور بيه وعود ع اساس كله اني مسويته ههههههههه هاي تره سوالف البنات كلنه هيج نسوي تراا مو بس اني هههههههه

اجة بابا چان طالع كالعاده هو وفهد الي صارت طلعاتهم كثرانة وبابا هالايام كلش تعبان وشكد نسئله ونلح اني وبيبي ميجاوب غير مابيه شي ولا تضلن تفكرن بس من ضغط الشغل هيج صاير وياي ....

صبيتله چاي وحطيتله كليجه ابتسم الي ...

مهيمن .. عاشت اديناتجن ع الكليجن من قبل مااكل مبينه طيبة ريحته تسطر ...

دره .. ابتسمت اله وكتله الف عافية جان يكول

مهيمن .. يمه صدك راح نروح لاربيل اني وفهد عدنه شغل شغلة يومين ثلاثة ونرجع ...

ام مهيمن .. خيرك يمه خو ما اكو شي تره والله هالايام مامرتاحه طباتكم وطلعاتكم واربع وعشرين ساعة ضايجين اكو شي يمه احجيلي ..

دره .. گام بابا باس راس بيبي وگال اله ..

مهيمن .. ماكو شي يالغالية سلامتج بس كتلج شغل ..

وصدك وراه بيومين راح بابا لاربيل واجت يمنه عمه روان وزوجهه وبقو يمنة اربع ايام علما اجه بابا الي من اجه من اربيل ساكت واربع وعشرين ساعة يتصفن كاعد نتغده وبيبي صافنه على بابا اشلون يگلب بالاكل وما ياكل وكلساع يجر حسره ويباوع علينه بيبي كالت اله ....

ام مهيمن .. يمه مهيمن اذا خلصت غده عندي حجي وياك بالغرفة ....

مهيمن .. خيرج يالحبيبة بس اشرب چاي ونسولف ....

دره .. كمت شلت الاماعين وغسلتهن وهدرت الچاي ادور صبيت وديته الهم كعدو بغرفة
بيبي اطيتهم الچاي وطلعت ما چان نيتي اتسمع عليهم بس من سمعت سؤال بيبي انتابني الفضول اسمع الباقي .....