قدري الضائع ( مكتملة)

البارت الثامن والعشرون

مساء الخير .....
#قدري _ الضائع ........
#بقلمي _شهد _السعدي .......
___________________________________

حيدر الشكري يكول :
يرخصوك لمن تقترب
لتخلي ناصي يلوحك
مرات لمن تبتعد تحفظ كرامة روحك !❤

دره تأخر فهد يلا طب طب للصالة وهو مدنك كعد بصفها احس گلبي انعصر واني اشوفهم كدامي وماابدى اي ردة فعل وضايج ويباوع مناومنا عرفته يريد يشوفني جاية لو لا رحت لكدام صرت مقابيله دار وجهه شافني ضل صافن وفاتح عيونة فجأ كام من يم سجى واجه باتجاهي ....

فهد .. دره لبسي وامشي نروح للبيت
دره .. اباوعله صاك على سنونه ويحجي ماامشي كمل الي اجيت علموده ليش عفته ع النص خطية خاف تنجرح مشاعره نحجي همس اني ويا والنسوان كلهم كرايبنه ضلن يباوعن علينه ...

فهدد .. ياسمين جيبي حجاب دره وعبايتهه تروح تتخربط اشلون اجت لهنا مو تدرن بيه ماتتحمل ....

دره .. رحت لبست حجابي وعباتي وهو واكف بالصالة بس طلعت لزمني من ايدي ويمشي حيل جان تكوله ام سجى ...

ام سجى .. يمه مريتك ماتلبسه الذهب ..
فهد .. انتو لبسوهه .

دره .. صعدنه بالسياره وصلنه للبيت اني ولا كلمة نطقت لان لو اكول بركان بداخلي قليل ودموعي كوه لازمته ماتنزل طبيت لغرفتي اجه وراي ...

فهد .. شنو معنى تصرفج تجين لهناك وتأذين نفسج ولج دره انتي مو تدرين شصار بالديوان وكدام الزلم عيبه على عمي ارفض بته كدامهم كلهم اسبوع اجلنه السالفة كله كامت تحجي شنو رفضو بته وليش وهي بت عمه لج دره افهمي ما فضلته عليج ولا راح افضله انتي هنا بنص گلبي تربعتي وماتحلى الي مره غيج فهميني تعبت ...

دره .. مبروك فهد منا ورايح تذكر كلمة وحده انسى شي اسمه دره بحياتك واني هم راح اعتبرك مجرد هامش بحياتي وراح وخلص الي باعني ابيعه لك اني الي ليلي مانمته ومتانيه رجعتك ترجع سالم ما خليت دعاء مادعيته ما خليت صلاه ما صليته هاي جزاتي وياك هيج تجازيني مافكرت بيه ...

هو اني دره من يوم يومي مشلوعة گلب من انولدت لليوم كله تبتعد عني امي عافتني بيبي ماتت بابا الي اصلا مايعرفني جان املي بيك انت تملي حياتي كله وتكون صدك كل ناسي وهلي بس لا انت خذلتني وحطمتني واذا صدك تحبني تبتعد عني وهسسسسه اطلللللللع بررررا كااافي تعبت ...

انهاريت وكمت اصيح وابجي وادفع بي برا الغرفة كوه طلعته وسديت الباب رحت كبال المراية باوعت لنفسي شلون كبرانه من الهموم واني كل عمري 16 سنة عمري رقماً صغير بس اني فعلياً كبرت من اني طفلة وعيت بدون ام وابوي مريض باول سنين من عمري وبيبي الي جانت ام بالنسبة الي باوعت لبطني جبيره لزمت بطني وكمت احاجي الي يسمعوني دائما وما يتمللون مني.......