قدري الضائع ( مكتملة)

البارت السادس

مساء الورد ......
#قدري _الضائع .......
#بقلمي _ شهد السعدي .......
_____________________________________________

هُناكَ أشياءٌ ماتتْ داخلكَ لكِنَّها عَلَّمَتْكَ كيفَ تَحيَا💚💭

دره .. بابا راح لغرفته ينام يرتاح واني وعماتي وبيبي ضلينه بالصالة كاعدين رحت اجيب الهن مي بارد رجعت وچان اسمع عمة روان انصدمت من السمعته منه ولا تخيلت بيوم يجي مثل هيج يوم ولا حاطته ببالي اصلا وگعت الدولكة والكلاص مني وكعدت بالگاع ابچي ........

خليت اديه على وجهي واني ابچي بصمت مااريدهن يسمعني وكلمات عمه روان يررن بأذني وهي تكول ..

روان .. يمه هي نسرين اجت وكالت انو تريد تشوف دره اذا رجعتو للمنطقة ..

ام مهيمن .. وبعد كل هالسنين يلا تذكرت عده بنية شمرته وهي لحمه حمره علينه وكملت حياته وتزوجت وهسه بنات اصغر من دره بسنة لو سنتين ستوه ذكرت بته اصلا دره ناسيتة هسه اذا نگله تدمر نفسيته ....

روان .. والله يمه اني هم كتله هيج بس
شسوي عليه كتلكم خاف دره تريد تشوف والله گلبي يتگطع عليه واني اشوف بحسرة ام تنصحه وتوعيه حاله حال البنات بس والله اني وخواتي كلنه نحبه مثل بتنه واكثر ....

ام مهيمن .. يمه ادري بيجن واني اعزه لدره اكثر منجن وانتن تدرن بس گلبي يوجعني عليه اشلون اگله امج تريد تشوفج بعد كل هالسنين الله كريم اني اگله بس مو هسه هيج شوية شوية اخاف عليه ....

دره .. ضليت كاعده وكلماتهن وحچيهن يرن بأذني ههه تريد تشوفني بعد كل هالسنين هو منو عاف منو اني طفله وچنت بحسرة الام حالي حال كل طفل يريد اهتمام من امه لو من اتمرض اريده بصفي وتسهر وياي ذني كلهن ماشفتهن بيه بس بيبي عوضتني عنه ...

كمت غسلت وجهي وضليت اباوع بالمراية
واحجي ويه نفسي اي دره انتي قويه وماتبچين على وحده باعتج وماتستاهل تگولين عنه امي على شنو ابچي مثلا على وحده شمرتني واني طفلة وراحت تزوجت وعاشت حياته وعدهه بنات واداريهن وگلبه ما وجعه بيوم وخابرت لو سئلت عني لو حاولت تجي وتشوفني ولا كلفت نفسه هسه من كبرت وصار عمري 14 يلا سئلت عليه ....

رجعت للصالة وكعدت يمهن

رند .. هاا درور وين رحتي كلتي راح اجيب مي واجي وتأخرتي .....

دره .. ضحكت بس حتى ماابين على نفسي ههههههههه غير التهيت بزعاطيجن ممالخ من الروس حرت المن افزع تالي گامو يضربون بيه ههههههههه....

روان ..هههههههههه وانتي خذاج الواهس وياهم
اگلجن اني راح يجي ابو مسلم عليه خلي الم غراضي قبل مايجي ويصرعني بالهورن ...

رند .. يلا واني هم الم غراضي لان ابو محمد گال العصر اجيكم ...

راحن عماتي يلمن غراضهن باوعت لبيبي تباوعلي وتبتسم گالت ...