قدري الضائع ( مكتملة)

البارت الرابع عشر

مساء الخير ........
#قدري _ الضائع .........
# بقلمي _ شهد السعدي ..........
_____________________________________________

في حيَّن أَردناهَا لَطيفةً كـ حديثٍ جَانبيِّ، جَاءت حياتنا صارِمْة كـ وصايَا الآباء.

دره .. اوك اتفقنه هو راح لمكانه واني نمت بمكاني وبعد صراع طويل من الافكار نمت فزيت على فهد وهو يحجي بالتلفون وصدمني وهو يكول الهه ........

فهد .. شتردين مني وبعدج تتصلين مامليتي
اي ادري احبج واجذب اذا كلت نسيتج وطلعتج من گلبي تبقين اول حب ومحد اخذ مكان بگلبي غيرج .....

دره .. اسمعه حجيه ودموعي تنزل سمعته جر حسره وادور سمعت صوت الجداحه عرفته ديشرب جكاير ....

فهد ... اي كتلج مانسيتج لان انتي حب طفولتي بس خلي ابالج لو يصوغج من ذهب مااخذج لو ذهب فهمتي ودره ستوهه دخلت على حياتي واذا مو اليوم باجر تخليني احبه وهسه هي زوجتي

ومكالمتي وياج بهيج وقت احس خيانه لزوجتي وهسه يلا الله وياج ولا تضلين تتصلين زعلانه عد اهلج هاي مشاكلج وهاي حياتج اني ما علية بيج مفهوم ...

دره .. عرفت الي ديحجي وياهه هي سجى ضجت منه من كال بعدهه مانساه ويحبه بس اهم شي مااطه بيه كدامهه بس عرفت فهد ضعيف امام سجى بقيت على وضعيتي وماتحركت ورجعت نمت كعدت الصبح على صوت فهد ...

فهد .. دره اكعدي يلا اريد اكوم يمعوده ...

دره .. فتحت عيوني ولكيت روحي شابكة فهد ونايمه وعابره الحدود كبل طفرت

يا عززا هاي اشلون صار هيج اكيد مو اني مستحيل بس هاا هو نومي عبث وبس اتحرك يعني بالخطأ مستحيل اسويه لا واجي اشبكك الا اذا تخبلت ......

فهد .. ادري لسان لو برنو اعتقد ستوج كعدتي شنو محضرتهن الحجيات حتى هيج وحده وره الثانية بساع عفية حلك ميتعب من الحجي ....

دره .. هااا هو اني يمته حجيت هواي سئلت وجاوبتك ...
فهد .. مااعتقد سئلت بس كعدتج من النوم لان اريد اكوم وانتي مجلبة بيه ماتهديني انتي من شفتي روحج شمسوية طفرتي وماتخلين واحد يحجي ..

دره .. امممم اسفة نايمة وماادري بنفسي وابتسمت اله وكمت ارمش حتى انسي الغرامة
فهد .. ذني مايمشن عليه بطليهن والغرامة ماناسية بس يجي وكته وغمزتلهه ....

دره ... اني عفت الامة العربية والنقاش الصار وركزت ع الغمزه سحت معت ذبت نفضت راسي من الافكار واحجي بكلبي دره ميفيدج گلبه ويه غيرج احسن شي انزل اتريك احسلي ....

فهد .. دره اني راح ابدل و اطلع اروح للمكتب الشغل متراكم علية واذا صار شي او احتاجيتي شي اتصلي علية مفهوم !!

دره .. هزيت راسي بمعنى اي واني راح انزل اسويلك ريوك بين ماتسبح وتبدل ....

فهد .. بس قبل ما تنزلين تلبسين شي طويل وحضريلي ملابسي حطيهن ع الجرباية ....