قدري الضائع ( مكتملة)

البارت السادس والثلاثون

مرحبا حبايبي...
قدري الضائع......
بقلمي شهد السعدي......
_______________________________________

عندما تتذوق الصعوبات في حياتك سيصبح عقلك أكبر من عمرك بكثير فكل أذى هو مستوى جديد من النضج ومن لا يتألم لايتعلم هكذا علمتني الحياة.. 🥀🥀

دره.. اباوع فهد اصلا مو يمها ويباوع للمناره مالت الامام الحسين ودموعه تنزل الشيب تارس راسه باوعت لسجى حامل
لان بطنه مبينه اني من البوشيه بس عيوني طالعه انترس بطل المي كالت سجى يلا اختي ما خلصتي درت وجهي عليه فهد بااوع عليه وفتح عيونه على وسعهن وكال...

فهد.. دررررره
سجى.. ياا شبيك فهد يا دره ذيج راحت والله اعلم ويا ياهو الي شردت ويا..
فهد... اششش الف مره كتلج هذا الكلام مينحجي.

دره.. من شافني ضل يفرك بوجهه ويستغفر اني اخذت المي ورحت خليته تيهيني ميشوفني شوية ورحت لام هاشم والبنات كعدت يمهن بس بالي مو يمهن وحجي الحقيره سجى يرن بأذني واني اتذكر كلماتهه...

رجعنه للبيت نيمت الجهال وكعدت وحدي صفنات وحيره شسوي وين اروح احس الدنيا تعبتني بعد مابيه حيل تعبت حيل تعبت وحدي ويه جهالي والشغل متعبني مالت الروضه
الجهال مسؤلية وفوك هذا كله جهالي وياي باوعت للتاريخ بالتلفزيون اليوم 201‪7/1/6

اني مواليد 99 بشهر الواحد ستة واحد يعني اليوم عيد ميلادي
يعني صار عمري 18سنة اتذكرت من جان عمري نهاية ال 16سنة وفهد انفقد وحملت وجبت وهسه كملت العمر ال 17 وطبيت بال 18هههههههه اي يا دره عيد ميلادج ومحد عايدج وذكرج هو اني ناسيه اليوم عيد ميلادي تذكرت قبل بيوم عيد ميلادي من بابا وبيبي يسولي عيد ميلاد ويعزمون عماتي تذكرت عماتي معقوله ما سئلن عليه بس حتى لو يسئلن ماادري

باوعت الساعه بثمانية بليل وليل الشتا طويل رحت للمطبخ سويت كيكه علما خلصته وزينته وعدي نساتل وعدي شمعه
وحب وببسي حطيتهن بالصينه وديته للصاله باوعت الساعة
ب 11 بليل لبست حجابي وعباتي حتى اصيح البنات يجن يحتفلن وياي لكيتهم سادين البيبان ونايمين رجعت للبيت
نزعت الحجاب والعبايه وكابلت الكيكه وكعدت كمت ابجي
بابا تعال لدرتك حباب شوف اشلون صرت وحيده بدونك مو كافي سنتين فراك والله تعبت...

باوعت للكيكه وصفنت مو اريد احتفل بس ردت التهي ماخسيت بنفسي من مسوية كل هاي التحضيرات رحت للغرفة كرصت مهيمن من خشمه حتى يكعد وجود شلته هو ونايم
وكعدته ضل يفر براسه وعلي ضربته على خده كوه صحيتهم ضلو يبجون...

اششش سكتو تعالو سويت عيد ميلاد اباوع عليهم صافنين بوجهي ايي حقكم تصفنون هههههههه خبال امكم بعد اخذتهم واحد واحد للصاله وطلعت اغاني طيور الجنه بالتلفزيون وهمه
من شافو كيك وشمعه ونساتل كيفو يردرن يبدون الهجوم اني شغلت طيور الجنة وكمت اغني وياهم وهمه يصفكون هههههه
وصار احلى عيد ميلاد شلت كريمه وحطيت على وجوهم