قدري الضائع ( مكتملة)

الجزء الاول من البارت الاخير

مرحبا حبايبي......
قدري الضائع...........
بقلمي شهد السعدي........
_______________________________________

‏ثم يعوضك الله ، كأنك لم تخسر شيء .💔.

دره.. سحبت جهالي يمي مدنكه عليهم علوش مدري شحط بحلكه لك ماما ليش كل شي تشوف تحط بحلك بعدني احجي ويا سمعت صووت ماانسا ابدد
ومشتاقتله بكد الدنيا شلت راسي واشوف بابا بطوله
بالصاله...

من الصدمه ضليت واكفه بمكاني ودموعي تنزل سلم
ع الموجودين دار وجه شافني اني عفت جهالي وركضت لحضنه شبكته وابجي بابا حبيبي تعرفني
يعني هسه تذكرني اي تذكرني موو شلت اديه ولازمه
وجها من ومنا هو اطول مني ودموعه تنزل عليه واني اشبك بي وارجع اشيل راسي بابا تعرفني منو
كول منو اني لا تكلي دره زوجة فهد اكو اسم انت تكوله الي كوله...

مهيمن.. اي درتي درتي اتذكرج رجعتلج بالسلامه رجعت علمودج اووف يادرتي ياروح ابوج يادنيتي

دره.. بابا حبيبي بعد لا تعوفني والله مااتحمل غيابك بعد الدنيا ماتسوه شي بدونك بابا درتك نهانت بابا
شابكه بابا وابجي وحسيت هم وانزاح من گلبي حسيت بجية بابا كل هلي وناسي طبو للبيت مو بابا بوحده هو كال...

مهيمن.. كافي باباتي اهدئي لا تبيجين ياروح ابوج
لج ذوله شنو الوراج مجلبين برجليج...

دره.. هههههه ذوله احفادك انت جدهم بابا من سمع هيج نزلن دموعه ونزل لمستوى جهالي ويبوس بيهم

مهيمن.. ولكم انتو دره الصغيره تشبهون درتي..
دره.. كعد بابا شوية هو يدري بالاوضاع وزواج فهد الثاني بس ميدري الي صار بعدها ويدزي بنفسيتي متأذيه فكال الهم راح اخذ دره وياي محد عارض...

لميت غراضي واغراض جهالي والابتسامه مافاركت وجهي وعبالك تحررت من سجن جنت عايشه بهم وضغط نفسي وكلهن راحن بشوفت الغالي...

اخذت جهالي وغراضي وطلعت ويه بابا اخذنه فهد بسيارته لبيت اهلي وصلنه للبيت لا اني حجيت ويه فهد ولا هو حجه وياي....

طبينه للبيت لگينه عماتي هناك طلع مرتضى مخابرهن وكايل الهن على بابا جاي هنه طابخات
ومنظفات البيت...

بهذه اليوم جهالي تيهتم وكاعده بحضن بابا بس ماسولفت اله الصار كلت  من يرحن عماتي ماردته يضوج....

كاعده يم بابا ومامصدكه هو رجعلنه بالسلامه حاطه
ايدي على خدي وصافنه عليه شكله زايد وسامه وبعض الشيب الي براسه زايده جمال اباوعله يباوع بالتلفون ويبتسم كلت هاي ابتسامة الزلم تخوف
رحت كعدت بالجهه القريبه عليه واباوع بالتلفون
دنكت راسي وهيمو يلعب يم رجليه وكلساع ادفره
ويرجع يلعب برجليه...

باوعت للمحادثه ويه بابا بينه وبين زمرد هي سائلته
اشلونه دره هو مجاوبها كلشش زينه هي كايله اله
عليك الله ماتسجله من تكوم تحجي هوواي وماتسكت مو مشبها عليه اني مدنكه اريد بابا يرد عليها بس متوقف عن الكتابه ماده راسي وهو متوقف عن الكتابه شلت راسي لكيته يباوعلي ورافع
حاجبه ومبتسم....