Unicode
"အဟွတ် အဟွတ်"
ဇွဲတစ်ယောက်မနက်စောစောမှာပဲ လည်ချောင်းတွေခြောက်လို့ချောင်းတွေတဟွတ်ဟွတ်ဆိုးကာနိုးထလာခဲ့သည်။
"ဇွဲ ရေနည်းနည်းသောက်လိုက်မလား"
ဇွဲကအိပ်ယာကနေမထဘဲရေခွက်ကိုလှမ်းစမ်းနေတော့ ရတုကပဲအိပ်ယာကထကာရေခွက်ကိုယူပေးရင်း ဇွဲကိုပါဆွဲထူကာရေသောက်စေသည်။
"အဖျားရှိနေတာလား။ကိုယ်စမ်းကြည့်ဦးမယ်"
ဇွဲရေသောက်ပြီးတော့ ရတုကသူ့ရင်ဘတ်မှာဇွဲကိုမှီစေကာ နဖူးကိုသူ့လက်ဝါးနှင့်စမ်းလာသည်။
"အဖျားမရှိပါဘူး။အာနည်းနည်းခြောက်နေရုံပဲ"
ဇွဲက ရတုရင်ခွင်ထဲအသာပြန်မှိန်းနေရင်းနဲ့ ပြောလိုက်သည်။
"တော်သေးတာပေါ့။နည်းနည်းအေးနေလား"
အပြင်ဘက်မှာမိုးဖွဲဖွဲလေးရွာနေတာကြောင့် ရာသီဥတုကနည်းနည်းအေးစိမ့်စိမ့်လေးဖြစ်နေသည်။ရတု ဇွဲကိုစောင်တိုးခြုံကာပွေ့ဖက်ထားလိုက်တော့ ရင်ခွင်ထဲကြောင်ပေါက်လေးလို ပိုတိုးဝှေ့လာသည်။
"ဒီနေ့ကျောင်းမသွားနဲ့တော့။ခနနေရင် ကိုယ်စားဖို့တစ်ခုခုပြင်လိုက်မယ်။ပြီးရင်ဆေးသောက်ကြရအောင်။ဒါနဲ့ ဆေးကောရှိသေးရဲ့လား"
"မရှိဘူး"
"ကိုယ်ခနနေရင် အပြင်ထွက်ပြီးသွားဝယ်လိုက်မယ်"
"အင်း။ခေါင်းကိုက်တယ်။ခေါင်းကိုနှိပ်ပေး"
ဇွဲက ရတုရဲ့လက်တွေကိုသူ့ခေါင်းပေါ်တင်ရင်းပြောတော့ ရတုအထွန့်မတက်ဘဲဖြေးဖြေးချင်းနှိပ်ပေးလိုက်သည်။ဇွဲကခနလောက်ဇိမ်ခံနေပြီးတော့ လှုပ်လှုပ်ရွရွပြန်ဖြစ်လာသည်။ရတုအောက်ကိုငုံ့ကြည့်လိုက်တော့ ဇွဲကရတုရင်ဘတ်ကအင်္ကျီကြယ်သီးတွေကို ဖွင့်နေတာပင်ဖြစ်သည်။
"ဇွဲ ဘာလို့ကိုယ့်ရင်ဘတ်ကိုဖွင့်နေရတာလဲ"
ရတုကထိုကောင်လေးရဲ့ဆံပင်ကိုဆွဲဖွကာမေးလိုက်ပေမဲ့ ထိုကောင်လေးကတော့အင်္ကျီဟသွားတဲ့ရတုရင်ဘတ်ကိုကုန်းကာကိုက်တော့သည်။
YOU ARE READING
My Star(Complete)
Teen FictionUnicode ကျောင်းပြောင်းလာတဲ့ ဒုတိယနှစ်ကကောင်လေးနှင့် စတုတ္ထနှစ်က the whole king အစ်ကိုကြီးတို့ ၃ခေါက်လောက်တွေ့ပြီး ချစ်သူဖြစ်ခဲ့ကြရာ....... #Unicode+Zawgyi #bl Start date- April 8, 2020 Zawgyi ေက်ာင္းေျပာင္းလာတဲ့ ဒုတိယႏွစ္ကေကာင္ေလးႏွင့္ စတုတၳႏွစ္က t...