ဒီနေ့ သုတနဲ့တွေ့ဖို့ ချိန်းထားတဲ့ရက်မို့ လူက ကဏာမငြိမ်ဖြစ်နေသည်။
အခုထိသွားခွင့်ပါမစ်ကမကျသေးဘူး။
ကိုယ့်မှာ လွတ်လွတ်လပ်လပ် သွားရမှာလား ခိုးထွက်ရမှာလား
ကြံရာမရ ခိုးထွက်ရအောင်လည်းလွတ်နိုင်တဲ့အခြေအနေမဟုတ် အခန်းထဲတစ်ယောကတည်း ထိုင်မရ ထမရဖြစ်နေသည်။
ဒီကြားထဲစိတ်လှုပ်ရှားနေတာကြောင့် သေးပေါက်ချင်သလို အိမ်သာတက်ချင်သလို လက်ကချွေးစေးတွေက ထွက်နေသေးတယ်။
ဒေါက် ဒေါက်
"အကိုလေး boss က မနက်စာစားဖို့ခေါ်ခိုင်းလိုက်တယ် "
"အေး အေးလာပြီ "
ရေချိုးခန်းထဲခဏဝင်ပြီး သန့်ရှင်းရေးလုပ်ကာ အောက်ထပ်ကိုဆင်းလာခဲ့သည်။
ကိုယ်ရောက်သွားတော့ လူကြီးက ကိုယ့်ကိုတောင်မစောင့်မစောင့်ပဲစားနေသည်။
'နေပေါ့ ဘာဖြစ်လဲ ကိုယ့်ပါးစပ်နဲ့ကိုယ်ပဲ ဝမ်းချင်းဆုံတာမှမဟုတ်တာ '
ကိုယ်စားနေတုန်း သူကထသွားတာကြောင့် လက်ကိုအမြန်လှမ်းဆွဲလိုက်သည်။
သူကကိုယ်ဆွဲထားကို လက်ကိုငုံ့ကြည့်ပြီး မျက်နှာကိုမော့ကြည့်လာတယ်။
"ဘာလဲ "
"ပြောစရာရှိလို့ "
"အပေါ်ကိုလိုက်ခဲ့ "
ရှေ့ကနေ ခြေလှမ်းကျယ်ကြီးနဲ့ လျှောက်သွားတာကြောင့် နောက်ကအမြန်လိုက်ရသည်။
အခန်းထဲရောက်တော့ ကုတင်ပေါ်မှာ အရင်ထိုင်နေသည်။
"ပြော ဘာပြောမလို့လဲ "
"အပြင်သွားချင်လို့ "
"မရဘူး "
"သုတနဲ့သွားတွေ့မလို့ "
"မရဘူး "
"ခဏပဲ ပြီးတာနဲ့ပြန်လာမှာ "
"မရဘူး "
"ထွက်မပြေးဘူးလို့ ကတိပေးတယ် "
"မရဘူး "
"ကို သွေးရတု "
"......."
"သွားမှာပဲ "
"သွားလို့ရရင်သွားပေါ့ "
စိတ်တိုတိုနဲ့ ခြေထောက်စောင့်ကာ အခန်းထဲကထွက်မယ်အလုပ်
"သွားတွေ့ချင်လား "
အလင်းပြန်လှည့်ကြည့်လာသည်။
YOU ARE READING
The First Hate, The Last Love
Romanceအချစ်ဦးက သာ အရာအားလုံး ဖြစ်ခဲ့မယ် ဆိုရင် အချစ်ဆုံးဆိုတဲ့နောက်တစ်ယောက်ဆိုတာရှိလာစရာအကြောင်းမရှိဘူး အတ္တတွေကြီးခဲ့မိတဲ့ကိုယ့်ကိုခွင့်လွှတ်ပါ အခ်စ္ဦးက သာ အရာအားလုံး ျဖစ္ခဲ့မယ္ ဆိုရင္ အခ်စ္ဆုံးဆိုတဲ့ေနာက္တစ္ေယာက္ဆိုတာရွိလာစရာအေၾကာင္းမရွိဘူး အတၱေတြႀက...
