Mary Sue ဇာတ်ကောင်အဖြစ်သို့ကူးပြောင်းလာခြင်း || COMPLETED ||

CHAPTER 1.3

【𝖴𝖭𝖨𝖢𝖮𝖣𝖤】

ရှီးနဉ် ရဲ့ ဒဏ်ရာက အရမ်းကြီး ပြင်းပြင်းထန်ထန်မျိုးတော့ မဟုတ်ဘူး။ သူမ သတိရလာပြီးနောက် ဆေးရုံကနေ ဆင်းလို့ရရုံတောင်မက နောက်တစ်နေ့မှာ ကျောင်းကိုတောင် သွားလို့ရသည်အထိ သက်သာလာခဲ့တယ်။

မိသားစုလေးစုရဲ့ တစ်စုဖြစ်တဲ့ ရှီးမိသားစုဟာ ဝတ္ထုထဲတွင် သေသေချာချာဖော်ပြခြင်းခံခဲ့ရသည်။

ရှီးအိမ်တော်မှာ နေထိုင်ပြီးနောက် ရှီးနဉ် က စည်းစိမ်ချမ်းချမ်းသာသာနဲ့ နေထိုင်ရခြင်းက ဘယ်လောက်တောင်မှ ကောင်းတဲ့အရာ ဖြစ်သလဲဆိုတာကို သိလိုက်ရတယ်။ ရေချိုးခန်းလေးတစ်ခန်းက သူမရဲ့ မူလအိမ်ထက်တောင် ပိုကျယ်နေသေးသည်။ တကယ်လို့သာ သူမမှာ မူလ ရှီးနဉ် ရဲ့ မှတ်ဉာဏ်တွေရှိမနေဘူးဆိုရင် သူမရဲ့အိမ်က အဆင့်မြင့်နည်းပညာသုံး ပစ္စည်းများကို ဘယ်လိုသုံးရမလဲဆိုတာနဲ့ အကျွမ်းတဝင်ကို ရှိမှာမဟုတ်ဘူး။

အထူးစာဖိုးမှုးရဲ့ လက်ရာ ဖြစ်တဲ့ စွပ်ပြုတ်ကို သောက်ပြီးနောက် ရှီးနဉ် သူမ အခန်းထဲသို့ ပြန်သွားလိုက်သည်။

အခန်းထဲပြန်ရောက်တော့ သူမ ပထမဆုံးလုပ်တဲ့ အရာကတော့ သူမရဲ့စာအုပ်တွေဖွင့်ကြည့်လိုက်တယ်။

သူမက မသေခင်အချိန်က အထက်တန်းကျောင်းဝင်ခွင့်စာမေးပွဲဖြေပြီးခါစဖြစ်တာကြောင့် အသက်ဆယ့်ငါးနှစ်ပဲရှိသေးသည်။

မူလ ရှီးနဉ် က သူမထက် တစ်နှစ်နဲ့နှစ်လတိတိကို ပိုကြီးသည်။

မူလပိုင်ရှင်ရဲ့ မှတ်ဉာဏ်တွေအရဆိုရင် သူမရဲ့ကျောင်းဖြစ်တဲ့ အမှတ်(၁) ယန်းချန် အထက်တန်းကျောင်းသည် ဒီ‌ဝတ္ထုထဲမှာရှိတဲ့ ပထမတန်းစားပုဂ္ဂလိက အထက်တန်းလွှာ အထက်တန်းကျောင်းပဲဖြစ်တယ်။

နှစ်စဉ် ဝင်ခွင့်စာမေးပွဲကို အောင်မြင်သည့် ပညာသင်ဆုရ ကျောင်းသားတွေဟာ ၂၀ကျော်လောက်ရှိပြီး တရုတ်နိုင်ငံရဲ့ ထိပ်တန်းပညာရေးအရင်းအမြစ်နဲ့ သင်ကြားရေးအ‌ခြေအနေများကို ရယူနိုင်မည့် အခွင့်အရေး များရှိလေသည်။

ရှီးနဉ်တောင်မှ မစဉ်းစားဝံ့တဲ့ နာမည်ကြီးအထက်တန်းကျောင်းတစ်ခုပဲ။