【𝖴𝖭𝖨𝖢𝖮𝖣𝖤】
ကျင့်စစ်းဟန့် စကားပြောပြီးနောက် သူ့အနောက်ကနေ အော်သံတစ်ချို့ကိုကြားလိုက်ရသည်။
“ရှောင်းကော အစ်ကို့ ဒဏ်ရာက သွေးတွေထွက်နေတယ်!”
နန်ရှောင်းက “အမ်း”ဆိုပြီးပဲ ပြောလိုက်ပြီး ဘာမှဆက်မပြောဘဲ ရှီးနဥ်ကိုတော့ လှမ်းကြည့်လိုက်တယ်။
ရှီးချန်လည်း ထိုစကားကို ကြားပြီးနောက် သူ့ဒဏ်ရာကို အာရုံစိုက်နေတဲ့ ရှီးနဥ်ကို ကြည့်လိုက်ပြီး ပြောလိုက်သည်။
“နန်ရှောင်း ဒဏ်ရာရနေတယ်တဲ့”
ရှီးနဥ် သူမရဲ့ခေါင်းကို လှည့်လိုက်ကာ ဖြတ်ခနဲကြည့်လိုက်ပြီး သူမရဲ့အကြည့်ကို ခပ်မြန်မြန်ပဲ လွှဲလိုက်သည်။
“သူအခုအကောင်းကြီးအတိုင်း ရပ်နိုင်သေးတာပဲ အဆင်ပြေလောက်မှာပါ ကိုကိုရယ်”
သူမရဲ့အသံက နည်းနည်း ကျယ်တာကြောင့် နန်ရှောင်း ထိုစကားကို ရှင်းရှင်းလင်းလင်းကိုကြားလိုက်ရသည်။
သူက မြေပေါ်ကို သွေးတွေ အန်ချလုနီးပါးပင်။
သူ့ဆက်ဆံပုံ က ဘယ်လိုတောင် ကွာခြားနေမှုကြီးလဲ? ဘယ်လိုပဲဖြစ်ဖြစ် နန်ရှောင်းကလည်း သူ့ကို ကယ်တင်ပေးခဲ့တာပဲလေ။
အဲ့ဒီ အမှိုက်လိုကောင်တွေက သူ့ကို ရိုက်နှက်နေတဲ့အချိန်တုန်းမှာဆို ရှီးနဥ်က သူ့ကို တစ်ချက်ကလေးမှ လှည့်မကြည့်ဘဲနဲ့ ထွက်သွားတယ်။ ရှီးချန်ကော ရောက်လာတော့ သူ တုတ်နဲ့အရိုက်ခံရမှာဆိုးလို့ သူ့အရှေ့ကနေ ချက်ချင်း အစားဝင်ခံပေးလိုက်သေးတယ်။
သူ့ကျတော့ တစ်ချက်ကလေးမှကို မကြည့်ဘူး!!
ရှီးချန်ကတော့ အတော်လေး ထူးဆန်းတယ်လို့ခံစားရတယ်။ သူက နန်ရှောင်းကလွဲပြီးတော့ ကျန်တဲ့လူတွေကို ဂရုမစိုက်ခဲ့တာမဟုတ်ဘူးလား??
“မင်း သူ့ကိုသွားမကြည့်တော့ဘူးလား?”
ရှီးနဉ်က သူမခေါင်းကို ခါပြလိုက်သည်။
“မသွားတော့ဘူး အိမ်ပဲပြန်ကြရအောင်”
ထူးဆန်းတယ်လို့ ခံစားနေရသော်လည်း ရှီးချန်က ဘာမှတော့ ဆက်မပြောလိုက်ပေ။
YOU ARE READING
Mary Sue ဇာတ်ကောင်အဖြစ်သို့ကူးပြောင်းလာခြင်း || COMPLETED ||
Teen Fiction《 𝖲𝗍𝖺𝗍𝗎𝗌: 𝖢𝗈𝗆𝗉𝗅𝖾𝗍𝖾𝖽 // 𝖾𝖽𝗂𝗍𝖾𝖽 𝗏𝖾𝗋𝗌𝗂𝗈𝗇》 𝖬𝗒𝖺𝗇𝗆𝖺𝗋 𝖳𝗋𝖺𝗇𝗌𝗅𝖺𝗍𝗂𝗈𝗇 𝗈𝖿 ❝穿成玛丽苏文里的女配❞ . 𝖮𝗋𝗂𝗀𝗂𝗇𝗂𝖺𝗅 𝖺𝗎𝗍𝗁𝗈𝗋: 一夜从灯 𝖤𝗇𝗀𝗅𝗂𝗌𝗁 𝗍𝗂𝗍𝗅𝖾: 𝖳𝗋𝖺𝗇𝗌𝗆𝗂𝗀𝗋𝖺𝗍𝗂𝗇𝗀 𝖺𝗌 𝖺 𝖬𝖺𝗋𝗒 𝖲𝗎𝖾 𝖢𝗁�...
